Қирғизистанда өктичиләр һәрикити рәһбириниң өйи партлитиветилди


2005.03.04
Share on WhatsApp
Share on WhatsApp

Қирғизистандики әң чоң өктичи күчләрниң бири, ата юрт сияси һәрикитиниң рәһбири роза отанбайиваниң өйи пәйшәнбә күни партлитиветилгән. Бирақ партлаш вәқәсидә адәм өлмигән.

Бешкәктики мухбиримизниң хәвәр қилишичә, роза отанбайева вә униң аилә - тавабати партлаш вәқәси йүз бәргәндә өйдә болмиғанлиқтин сақ қалған. Партлаш вәқәсигә һазирға қәдәр һечқандақ бир партийә яки шәхс җавабкар болидиғанлиқини елан қилмиди. Роза отанбайива, илгири бир мәзгил қирғизистанниң ташқи ишлар министирлиқини өтигән. У, қирғизистан президенти әсқәр акайефниң қизи бәрнәт акайефниң әң күчлүк риқабәтчилириниң бири, дәп қаралмақта иди.

Хәвәрләргә қариғанда қирғизистан ички ишлар министирлиқи, дөләт бихәтәрлик идариси қатарлиқ органлар роза отанбайиваниң өйини қамал қилип, партлашниң сәвәби вә җавапкарлириға даир йип учлирини издимәктикән. Бу вәқә қирғизистандики сияси вәзийәт интайин назук бир мәзгилдә йүз бәргән.

Йеқинда өткүзүлгән парламент сайлими қирғизистанниң шәрқий вә җәнубидики бир қисим областларда пуқраларниң наразилиқини кәлтүрүп чиқарған иди. Җалалабадтики сайламға нарази болған пуқралар, бир қанчә күндин бери нуқин районидики һөкүмәт биналирини қоршивалған. Көзәткүчиләр нуқиндики сайлам ихтилаби районда етник тоқунушни кәлтүрүп чиқириши мумкин, дәп агаһландурмақта. Чүнки бу районда өзбекләрниң нупуси хели салмақни игиләйдикән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.