Русийә билән америка, ш а о ә т ниң өзбекистантики вәқә тоғрисида қарар чиқиришиға қарши чиққан


2005.06.14
Share on WhatsApp
Share on WhatsApp

"Вашингтон почта гезити" ниң сәйшәнбә күни ашкарилишичә, америка билән русийә ш а о ә т ниң өткән һәптидики брюсселда чақирилған министирлар йиғинида, мәзкур органниң өткән айда өзбекистанда йүз бәргән бастуруш вәқәси үстидин тәкшүрүш елип бериш тоғрисида қарар чиқиришини тосиған.

Кишилик һоқуқ органлириниң тәкитлишичә, әнҗандики намайиши бастуруш җәрянида өлгәнләрниң сани 700 дин ашидикән. Ш а о ә т ниң министирлар йиғини өткән пәйшәнбә күни чақирилған иди. "Вашингтон почта гезити" ниң ашкарилишичә, йиғинда әнгилийә вә явропа әллириниң 13 - майдики әнҗан вәқәсини тәкшүрүш тоғрисида баянат елан қилиш тәклипи, америка билән русийиниң қарши турушиға учриған.

Америка дөләт мудапиә министири донлад расмфилд, шу қетимқи йиғинға қатнашқучиларниң бири иди. Рамсфилд вә америка ташқи ишлар министирлиқидики дипломатлар, баянат елан қилиш тәклипигә қошулмиған. Русийә вәқәдә талибанларниң қоли барлиқини илгири сүргән иди.

Америка, әнҗандики бастурушни " чекидин ашурувәткәнлик," дәп тәнқид қилиш билән биргә, өзбекистан һөкүмитиниң тероризимға қарши туруш һоқуқи барлиқини тәкитлигән. Әмма явропа иттипақи ташқий ишлар министирлар йиғини сәйшәнбә күни, әгәр өзбекистан әнҗандики вәқәни тәкшүрүшкә йол қоймиса, явропа иттипақи өзбекистанға беридиған 119 милйон долларлиқ ярдәм түрини тоңлитидиғанлиқини агаһландурди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.