Rusiye bilen amérika, sh a o e t ning özbékistantiki weqe toghrisida qarar chiqirishigha qarshi chiqqan

"Washin'gton pochta géziti" ning seyshenbe küni ashkarilishiche, amérika bilen rusiye sh a o e t ning ötken heptidiki bryussélda chaqirilghan ministirlar yighinida, mezkur organning ötken ayda özbékistanda yüz bergen basturush weqesi üstidin tekshürüsh élip bérish toghrisida qarar chiqirishini tosighan.

Kishilik hoquq organlirining tekitlishiche, enjandiki namayishi basturush jeryanida ölgenlerning sani 700 din ashidiken. Sh a o e t ning ministirlar yighini ötken peyshenbe küni chaqirilghan idi. "Washin'gton pochta géziti" ning ashkarilishiche, yighinda en'giliye we yawropa ellirining 13 - maydiki enjan weqesini tekshürüsh toghrisida bayanat élan qilish teklipi, amérika bilen rusiyining qarshi turushigha uchrighan.

Amérika dölet mudapi'e ministiri donlad rasmfild, shu qétimqi yighin'gha qatnashquchilarning biri idi. Ramsfild we amérika tashqi ishlar ministirliqidiki diplomatlar, bayanat élan qilish teklipige qoshulmighan. Rusiye weqede talibanlarning qoli barliqini ilgiri sürgen idi.

Amérika, enjandiki basturushni " chékidin ashuruwetkenlik," dep tenqid qilish bilen birge, özbékistan hökümitining térorizimgha qarshi turush hoquqi barliqini tekitligen. Emma yawropa ittipaqi tashqiy ishlar ministirlar yighini seyshenbe küni, eger özbékistan enjandiki weqeni tekshürüshke yol qoymisa, yawropa ittipaqi özbékistan'gha béridighan 119 milyon dollarliq yardem türini tonglitidighanliqini agahlandurdi. (Erkin)