Xitay bilen qazaqistan énérgiye jehettiki hemkarliqini kücheymekte


2004.08.22
Share on WhatsApp
Share on WhatsApp

Xitay bilen qazaqistan ikki dölet otturisidiki néfit turubisi yatquzush kélishimidin kéyin, ikki dölet otturisida tebi'iy gaz turubisi yatquzush pilani üstidimu söhbet élip barmaqta.

"Amérika awazi radi'osi" ning xewer qilishiche, qazaqistan terep tebi'iy gaz turuba qurulushi élip bérish üstide tetqiqat élip bérishqa bashlighan. Xitay terepningmu mezkur qurulushqa qiziqiwatqanliqi ilgiri sürülmekte. Qazaqistan özining kaspiy déngiz boyidiki néfit zapisini keng kölemde échish bilen birge, tebi'iy gaz zapisini échishqa bashlighan.

Ikki dölet ilgiri qazaqistanning ottura qismidin Uyghur aptonom rayonighiche tutishidighan néfit turubisi yatquzush qurulushi üstide kélishim tüzgenidi. Qazaqistan tashqi ishlar ministiri oqayéw, qazaqistan xitay bilen bolghan énérgiye jehettiki hemkarliqqa qiziqidu dep körsetti. Qazaqistan tashqi ishlar ministiri, béyjing da'irilirining qazaqistan bilen énérgiye sahesidiki hemkarliq mesiliside stratégiyilik qarar chiqarghanliqini ilgiri sürgen. Qazaqistan bilen xitay otturisidiki néfit turubisining 2006 - yili ishqa kirshidighanliqi perez qilinmaqta.Kelgüside qazaqistan mezkur turuba yolidin xitaygha yilda 10 milyon tonna néfit éksport qilalaydu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.