Qazaqistan xitay bilen bolghan munasiwitini kücheytishke wede berdi

Qazaqistan prézidénti nursultan nazarbayéf, peyshenbe küni xitay tashqi ishlar ministiri li jyawshingni qobul qilip, qazaqistanning xitay bilen bolghan hemkarliq munasiwitini kücheytishke teyyarliqi heqqide wede bergen.

Xitayning hökümet zuwani shinxwa axbarat agéntliqining xewer qilishiche, qazaqistan prézidénti astananing béyjing hökümiti bilen xitaylar teripidin üch xil küchler dep atalghan térrorchiliq, bölgünchilik we diniy esebiylikke qarshi hemkarliqni kücheytidighanliqini bildürgen. Xitay hökümiti Uyghurlarning béyjing da'irilirige qarshi öktichilik herkitini térrorchiliq, milli bölgünchilik we diniy esebiylik bilen eyiblimekte.

Xelqara kishilik hoquq teshkilatliri, béyjing da'irilirini térrorchiliqqa qarshi turushni bahane qilip, Uyghurlarning kishilik hoquqi we diniy étiqat erkinlikini ayaq - asti qilish bilen tenqitligen.

Li jyawshing, béyjing ikki dölet bashliqliri teripidin imzalan'ghan ikki terep munasiwitige da'ir stiratigiyilik kélishimlerning rohini ijra qilidu, dep eskertken. Li jyawshing jüme küni alma-atada chaqirilghan asiyda ishench turghuzush we hemkarliqni kücheytish kéngishidiki döletlerning ministirlar yighinigha qatnashti. Asiyada ishench turghuzush we hemkarliqni kücheytish kéngishidiki xitay, qazqistan we pakistanlarni öz ichige alghan 17 dölet térorchilar, bölgünchiler we diniy esebilerning pa'aliyitige da'ir öchurlarni almashturush heqqide kélishim hasil qildi. (Erkin)