Qazaqistan rehberliri, qazaqistanning siyasiy muhitini yaxshilash heqqide wede berdi

Ro'étirs axbarat agéntliqining almutadin xewer qilishiche, qazaqistan tashqi ishlar ministiri toqayof qazaqistandiki démokratiyining kemchilikini tüzesh üchün pa'aliyet élip birilidighanlqini tekitlep, lékin tiz we aldirash élip birilidighan siyasi we iqtisadi islahat qazaqistanning muqimliqini xeterge chüshürüp qoyushi mumkin didi.

Köpchilikke melum bolghinidek, qazaqistan prézidénti nur sultan nezerbayf, séntebir éyida ötküzülgen parlamént saylimining nahayiti démokratik we adaletlik bolidighanliqi we saylamda yawrupa bixeterlik we hemkarliq teshkilati teripidin belgilen'gen ölchemlerge toluq hörmet qilinidighanliqi heqqide wede bergen idi. Emma yawrupa bixeterlik we hemkarliq teshkilati qazaqsitanda ötküzülgen parlamént saylimida nurghun kemchilikler körülgenlikini bildürüp, prézidént nazarbayf hökümitini tenqid qilghan.

Qazaqistan tashqi ishlar ministiri toqyof seyshenbe küni bergen bayanatida, hökümetning yawrupa bixeterlik we hemkarliq teshkilati we bashqa xelq'ara teshkilatlarning qazaqistandiki démokratik jeryan toghrisidiki tenqidlirini jiddi tekshürüp chiqidighanliqini tekitlep, ” biz ning qarshimizche qazaqistandiki siyasiy muhitni yaxshilash we tereqqi qildurush üchün hélimu waqtimiz bar“ Didi.

Qazaqistanning hélimu yawrupa bixeterlik we hemkarliq teshkilati ezalirining bolupmu gherbiy yawrupa döletlirining qollishigha érishish imkaniyitige ige ikenlikini bildürgen toqayof, biz qazaqistandiki siyasiy islahat we démokratik özgürüshlerni dawamlashturushimiz kérek didi. (Eqide)