Qazaqistan kommunistliri amérikini xitaygha tehdit salmasliqqa chaqirdi


2007-08-19
Share

Shangxey hemkarliq teshkilatining birleshme herbiy manéwiri axirliship, xitay re'isi xu jintaw qazaqistanni ziyaret qilghan peytte qazaqistan kommunistik partiyisi almuta sheherlik komitéti amérikining qazaqistanda turushluq bash elchisige ochuq xet yézip, amérikining xitaygha tehdit salmasliqini telep qilghan.

Qazaqistanda chiqidighan" pozitsiye" namliq intérnét gézitining uchurigha asaslan'ghanda, qazaqistan kommunistliri xétide amérika dölet mejlisining xitayning olimpik musabiqisige bayqut élan qilish heqqide hemde sudan we shimaliy koriye mesilisi heqqide qarar layihe qobul qilishqa tirishishini eyiblep, xitay hökümitining qazan'ghan muweppeqiyetlirini kökke kötergen.

Ular xétide amérikining "olimpikke bayqut élan qilish arqiliq xitay hökümitige bésim qilishining emeliyette 2008-yilliq olimpikte xitay komandisining amérika tenheriketchiliridin éship kétishidek pakitni étirap qilghanliqi" ikenlikini otturigha qoyghan.

Inkaslardin qarighanda, kompartiye qazaqistan, qirghizistan we rusiyide hazirmu mewjut bolup, bu partiye burunqi sowét ittipaqining en'enisi boyiche amérika bashliq gherb dunyasigha qarshi idiyisini dawamliq ipadilep kelmekte, biraq, kompartiyining bu döletlerdiki tesir küchi ajiz hésablinidiken . (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet