Qazaqistanda öktichiler birlishishke bashlidi


2006.12.26

Perghane agéntliqining uchuridin qarighanda, qazaqistandiki öktichi partiyilerdin "adalet" bilen " aq yol" birlishish qedimini bésishqa bashlighan bolup, aq yol partiyisining bashliqi alixan baymenop 26- dekabir küni " biz birinchi qedemde siyasiy sistémilarni démokratiyilishtürüsh we ijtima'iy-siyasiy mesililerni hel qilish üchün birlishishni kücheytiwatimiz" dédi.

Xewerdin qarighanda, ikki öktichi partiye arisida birlishish kélishimi tüzülgen bolup, kélishimge bina'en ikki partiye döletning ijtima'iy-siyasiy hayati, qanunlirini birlikte teyyarlash, we bashqa saheler boyiche birleshme pa'aliyet qilidiken.

"Aq yol" partiyisi qazaqistan parlaméntida muhim orun tutqan öktichi partiye bolup, u qazaqistan prézidéntining " otan " partiyisi bilen da'im riqabetliship kelgen.

"Aq yol" bilen "adalet" qazaqistanning siyasiy-ijtima'iy hayatigha tesir körsitish küchige ige partiyelerdur. Bularning teshkillishide buningdin ilgiri keng kölemlik namayishlar élip bérilghan bolup, ular prézidént nazarbayéwni démokratik islahatqa dewet qilip, uning hakimmutleqliqini tenqid qilghan.

Közetküchiler diktatoruluqta eyiblen'gen turkmenistan prézidénti niyazopning ölümidin kéyin türkmenistanda yüz bérishi mumkin bolghan özgirishlerning qazaqistan, özbékistandiki öktichilik heriketlirige tesir körsitishi mumkinlikini otturigha qoyushmaqta. Qazaqistandiki öktichilerning öz pa'aliyetlirini kücheytishi belki buning bilen munasiwetlik bolsa kérek. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.