Qazaqistan parlamént saylimi axirlashti


2007.08.19

Yekshenbe küni qazaqistan jumhuriyitining parlamént saylimi axirlashti. Prézidént nursultan nazarbayéfning partiyisi "nur otan" % 88 awaz bilen öktichi partiyiler üstidin ghalip kélip, parlaménttiki köp sanliq orunni igilidi.

Qazaqistan metbu'atlirining xewer qilishiche, merkiziy saylam komitéti "nur otan" yeni "weten" partiyisi parlaménttiki 98 orunni igiligenlikini bildürgen.

Parlamént saylimini yawropa hemkarliq we bixeterlik teshkilati mexsus nazaret qilghan. B b s agéntliqining xewiridin melum bolushiche mezkur teshkilat bu qétimqi parlamént saylamda ilgirilesh bolghanliqini mu'eyyenleshtürgen, bolsimu, lékin öktichiler beribir öz naraziliqlirini ipadiligen.

Nazarbayéf buningdin bir qanche ay ilgiri tuyuqsiz parlaméntni tarqitip, qaytidin saylam ötküzidighanliqini bildürgen hemde prézidéntliq möhlitini qisqartish bilen birge parlaméntqa az sanliq milletlerningmu öz wekillirini kirgüzüsh salahiti bérilidighanliqini jakarlighan idi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.