Қазақистан-қирғизистан рәһбәрлири учрашти

Қирғизистанниң "қабар" агентлиқиниң мәлуматиға қариғанда, қирғизистанниң вақитлиқ президенти қурманбек бақийев өзиниң тунҗи қетимлиқ президентлиқ салаһийитидики чәтәл сәпири сүпитидә қазақистанни зиярәт қилип, президент нурсултан назарбайев билән көрүшүп, қирғиз-қазақ һәмкарлиқлири һәққидә сөһбәтләшкән.

Алмута шәһридә болуп өткән мәзкур учришишта икки президент қазақистанниң қирғизистанға деһқанчилиқ ишлириға ярдими болидиған иқтисадий ярдәмләрни бериш, қирғизистанниң қазақистан территорийиси арқилиқ йүк тосушиға қазақистанниң ички қисимдикигә охшаш баһа өлчимини қоллиниш қатарлиқ көп тәрәпләр бойичә келишим һасил қилған.

Мәлумки, сабиқ қирғизистан президенти әсқәр ақайев дәвридә мәлум сәвәбләр түпәйлидин қазақистан билән қирғизистан оттурисидики мунасивәтләр азрақ соғуқлишип қалған. Қириғизистандики сиясий өзгириш қазақистан ға бәлгилик дәриҗидә тәсир көрсәткән .

Бу қетим қазақистан рәһбири йеңи қирғизистан һөкүмити билән һәмкарлишидиғанлиқини билдүрди шуниңдәк қирғизистан вақитлиқ президенти қурманбек бақийевму нурсултан назарбайев оттуриға қойған оттура асия иттипақини қуруш тәклипини қизғин қоллайдиғанлиқини билдүрүп, оттура асия иттипақи қурушниң оттура асия хәлқлириниң иқтисадий вә сиясий һаятиға зор пайдилиқ икәнликини муәййәнләштүрди. У йәнә өзиниң пүтүн күчи билән оттура асия дөләтлириниң бирлишип, бир иттипақ түзүши үчүн тиришидиғанлиқини әскәрткән иди. (Үмидвар)