Qazaqistan-qirghizistan rehberliri uchrashti


2005.04.24

Qirghizistanning "qabar" agéntliqining melumatigha qarighanda, qirghizistanning waqitliq prézidénti qurmanbék baqiyéw özining tunji qétimliq prézidéntliq salahiyitidiki chet'el sepiri süpitide qazaqistanni ziyaret qilip, prézidént nursultan nazarbayéw bilen körüshüp, qirghiz-qazaq hemkarliqliri heqqide söhbetleshken.

Almuta shehride bolup ötken mezkur uchrishishta ikki prézidént qazaqistanning qirghizistan'gha déhqanchiliq ishlirigha yardimi bolidighan iqtisadiy yardemlerni bérish, qirghizistanning qazaqistan térritoriyisi arqiliq yük tosushigha qazaqistanning ichki qisimdikige oxshash baha ölchimini qollinish qatarliq köp terepler boyiche kélishim hasil qilghan.

Melumki, sabiq qirghizistan prézidénti esqer aqayéw dewride melum sewebler tüpeylidin qazaqistan bilen qirghizistan otturisidiki munasiwetler azraq soghuqliship qalghan. Qirighizistandiki siyasiy özgirish qazaqistan' gha belgilik derijide tesir körsetken .

Bu qétim qazaqistan rehbiri yéngi qirghizistan hökümiti bilen hemkarlishidighanliqini bildürdi shuningdek qirghizistan waqitliq prézidénti qurmanbék baqiyéwmu nursultan nazarbayéw otturigha qoyghan ottura asiya ittipaqini qurush teklipini qizghin qollaydighanliqini bildürüp, ottura asiya ittipaqi qurushning ottura asiya xelqlirining iqtisadiy we siyasiy hayatigha zor paydiliq ikenlikini mu'eyyenleshtürdi. U yene özining pütün küchi bilen ottura asiya döletlirining birliship, bir ittipaq tüzüshi üchün tirishidighanliqini eskertken idi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.