Qazaqistandiki Uyghur teshkilatliri heqqidiki yéngi maqale


2006.05.07
Share on WhatsApp
Share on WhatsApp

Ötken heptide ottura asiya agéntliqi teripidin rinat seydullayéw isimlik bir qazaqistan analizchisining "qazaqistandiki Uyghur teshkilatliri heqiqi térrorchilarmu yaki razwétka organlirining parche pulimu?" dégen témida bir parche maqale élan qilindi.

Aptor maqaliside yéqinda qazaqistan razwétka organliri teripidin qolgha élin'ghan yüsüp qadir qatarliq ikki neper Uyghurgha munasiwetlik ehwallarni chöridigen halda, qazaqistanda yüz bergen qazaq öktichi rehbiri altunbék sarsinbayéw qatarliqning sirliq östürülüsh weqesi hem bashqa arqa körünishi murekkep dilolarni eskertip ötüsh arqiliq, emeliyette bu jumhuriyettiki nurghunlighan weqelerning bixeterlik da'iriliri bilen baghlinishliqqa ige ikenlikini körsitidu.

Analizchi rinat seydullayéw maqaliside bügünki künde qazaqistanning gherb démokratik döletlirining Uyghurlarning mesilige siyasiy jehettin qarap, qazaqistanning xitay bilen birliship, Uyghur siyasiy panahliq tiligüchilirini xitaygha qayturup bérishtek xelq'ara qanunlargha xilap qilmishini tenqid qilghandin kéyin, qazaqistan razwétka da'irilirining Uyghurlargha a'it ishlarni mexpiy tutuwatqanliqini, emeliyette Uyghur mesilisining xitay eyibligendek térrorchiliq emeslikini belki razwétka organliri teripidin oyun qerti qilin'ghanliqini sherhleydu.

Aptorning chüshendürüshiche, buningdin ilgiri qolgha élin'ghan qazaqistandiki üch neper atalmish térrorchiliq teshkilat rehberliri emeliyette qazaqistan döletlik bixeterlik idarisining qosh salahiyetlik agéntliri bolup chiqqan iken.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet