Қазақистан президенти сиясий өктичиләрдин наразилиқ намайишлирини тохтитишни тәләп қилди

• 
  2006-03-02

Қазақистан президенти нурсултан назар байиф, пәйшәнбә күни қазақистан парламинти юқири кеңишиниң алий дәриҗилик хадими ирҗан отанбайифниң, ақйол партийисиниң рәиси алтунбек сәрсанбайифни өлтүрүшни өз ирадиси билән пиланлиғанлиқини етирап қилғанлиқини билдүрди.

Президент назарбайиф қазақистан парламинтида қилған сөзидә, утанбайиф сақчиларға һәммини етирап қилди. У маңиму хәт йезип, һечкимниң униңға бесим ишләтмигәнликини, өз ихтияри билән иқрар қилғанлиқини тәкитлиди, дәп көрсәтти.

Әмма, қазақситандики сиясий өктичиләр, сәрсанбайифниң сиясий сәвәбләрдин өлтүрүлгәнликини, отанбайифниң һакимийәтниң йоқири қатлиминиң буйруқисиз бундақ бир ишни әмәлгә ашуралмайдиғанлиқини билдүрмәктә.

Назарбайиф сөзидә, мәсилиниң һелиму тәкшүрүлүватқанлиқини билдүргән. Ройтрес агентлиқиниң тәкитлишичә, назарбайифниң сөзлири наһайити муһим болуп, қазақистан бу мәсилсини қандақ бир тәрәп қилишта чоқум униң сөзлиригә қарап һәрикәт қилидикән.

Хәвәрләргә қариғанда, қазақистан нағиз ақйол партйисиниң рәһбири сәрсанбайифниң өлтүрүлгәнлики, 1989‏- йилидин бери қазақистанда һакимийәт йүргүзиватқан назарбайифни еғир әһвалда қойған. Қазақистандики сиясий өктичи һәрикити қазақистан сақчи даирилириниң чәклишигә қаримай тунҗи қетим кәң көләмлик намайиш елип барған болуп, бу намайишлар түпәйлидин қазақистан һөкүмити сиясий өктичи һәрикәтниң рәһбәрлирини қолға алди.

Ройтрес агентлиқиниң билдүрүшичә, назарбайиф қазақистан парламинтида қилған сөзидә, қазақистан сиясий өктичи һәрикитини наразилиқ намайиши елип беришни тохтитишқа чақирип, сақчиларниң қанунсиз намайиш тәшкиллигәнләргә қарши қаттиқ қоллуқ билән муамилә қилиши керәкликини билдүрди. (Әқидә)