Qazaqistan prézidénti siyasiy öktichilerdin naraziliq namayishlirini toxtitishni telep qildi

• 
  2006-03-02

Qazaqistan prézidénti nursultan nazar bayif, peyshenbe küni qazaqistan parlaminti yuqiri kéngishining aliy derijilik xadimi irjan otanbayifning, aqyol partiyisining re'isi altunbék sersanbayifni öltürüshni öz iradisi bilen pilanlighanliqini étirap qilghanliqini bildürdi.

Prézidént nazarbayif qazaqistan parlamintida qilghan sözide, utanbayif saqchilargha hemmini étirap qildi. U mangimu xet yézip, héchkimning uninggha bésim ishletmigenlikini, öz ixtiyari bilen iqrar qilghanliqini tekitlidi, dep körsetti.

Emma, qazaqsitandiki siyasiy öktichiler, sersanbayifning siyasiy seweblerdin öltürülgenlikini, otanbayifning hakimiyetning yoqiri qatlimining buyruqisiz bundaq bir ishni emelge ashuralmaydighanliqini bildürmekte.

Nazarbayif sözide, mesilining hélimu tekshürülüwatqanliqini bildürgen. Roytrés agéntliqining tekitlishiche, nazarbayifning sözliri nahayiti muhim bolup, qazaqistan bu mesilsini qandaq bir terep qilishta choqum uning sözlirige qarap heriket qilidiken.

Xewerlerge qarighanda, qazaqistan naghiz aqyol partyisining rehbiri sersanbayifning öltürülgenliki, 1989‏- yilidin béri qazaqistanda hakimiyet yürgüziwatqan nazarbayifni éghir ehwalda qoyghan. Qazaqistandiki siyasiy öktichi herikiti qazaqistan saqchi da'irilirining cheklishige qarimay tunji qétim keng kölemlik namayish élip barghan bolup, bu namayishlar tüpeylidin qazaqistan hökümiti siyasiy öktichi heriketning rehberlirini qolgha aldi.

Roytrés agéntliqining bildürüshiche, nazarbayif qazaqistan parlamintida qilghan sözide, qazaqistan siyasiy öktichi herikitini naraziliq namayishi élip bérishni toxtitishqa chaqirip, saqchilarning qanunsiz namayish teshkilligenlerge qarshi qattiq qolluq bilen mu'amile qilishi kéreklikini bildürdi. (Eqide)