قازاقىستان باش تەپتىش ئىدارىسى قازاقىستاندا پائالىيىتى چەكلەنگەن تەشكىلاتلارنىڭ تىزىملىكىنى ئېلان قىلدى
2006.10.13
قازاقىستان باش تەپتىش ئىدارىسى 10-ئاينىڭ 12- كۈنى قازاقىستاندا پائالىيىتى چەكلەنگەن 12 تەشكىلاتنىڭ تېزىملىكىنى ئېلان قىلدى. مەزكۇر تەشكىلاتلار تېررورلۇق پائالىيىتى بىلەن شۇغۇللانغان دەپ ئەيىبلەنگەن.
قازاقىستان ئالىي سوتىنىڭ قارارى بىلەن قازاقىستان تېررىتورىيىسىدە پائالىيەت ئېلىپ بېرىشى چەكلەنگەن 12 تەشكىلاتنىڭ ئاساسلىق قىسىمى ئوتتۇرا ئاسىيا دۆلەتلىرىدە پائالىيەت ئېلىپ بېرىۋاتقان مىللىي ۋە دىنىي ھەرىكەتلەر بولۇپ، ئۇلار ئۆزبېكىستان ئىسلامىي ھەرىكىتى، ھىزبۇ تەھرىر، ئوتتۇرا ئاسىيا مۇجاھىتلار جامائىتى ۋە شەرقىي تۈركىستان ئىسلامىي ھەرىكىتى قاتارلىق تەشكىلاتلارنى ئۆز ئىچىگە ئالىدۇ.
قازاقىستان باش تەپتىش ئىدارىسىنىڭ باياناتىدا، كۇرد مىللىي قۇرۇلتىيى، بوز قۇرتلار ھەرىكىتى، مەركىزى پاكىستاندىكى لەشكەرى تايىبە، مەزكىزى كوۋەيتتىكى ئىجتىمائىي ئىسلاھات جەمئىيىتى، ئەلقائىدە تەشكىلاتى ۋە تالىبانلار قاتارلىق تەشكىلات ۋە ھەرىكەتلەرنىڭمۇ قازاقىستان زېمىندا پائالىيەت ئېلىپ بېرىشى، قازاقىستان پۇقرالىرىنىڭ مەزكۇر تەشكىلاتلارغا ئەزا بولۇشى، بۇ تەشكىلاتلارنىڭ پائالىيىتىگە قاتنىشىشى ھەمدە بۇ تەشكىلاتلار ۋە ھەرىكەتلەر بىلەن ئالاقە قۇرۇشىنىڭ چەكلەنگەنلىكى تەكىتلەنگەن. (قانات)
مۇناسىۋەتلىك ماقالىلار
- قىرغىز ئۆكتىچى تەشكىلاتلىرى قىرغىزىستاندا سىياسى ئىسلاھات ئېلىپ بېرىشنى تەلەپ قىلدى
- قىرغىزىستان ھۆكۈمىتى، ئوش رايونىدىكى ئىسلامچىلارنى تەسلىم بولۇشقا چاقىردى
- قىرغىز ئۆكتىچىلىرى ھۆكۈمىتىنىڭ تازىلاش ھەرىكىتىنى ئەيىبلىدى
- بېشكېكتىكى ئۆكتىچىلەر ھۆكۈمەتكە نارازلىق بىلدۈردى
- ئوتتۇرا ئاسىيا دۈلەتلىرى دېموكراتىك ھەرىكەتلەرنى باستۇرۇۋاتىدۇ