Қазақистан баш тәптиш идариси қазақистанда паалийити чәкләнгән тәшкилатларниң тизимликини елан қилди


2006.10.13

Қазақистан баш тәптиш идариси 10‏-айниң 12‏- күни қазақистанда паалийити чәкләнгән 12 тәшкилатниң тезимликини елан қилди. Мәзкур тәшкилатлар террорлуқ паалийити билән шуғулланған дәп әйибләнгән.

Қазақистан алий сотиниң қарари билән қазақистан территорийисидә паалийәт елип бериши чәкләнгән 12 тәшкилатниң асаслиқ қисими оттура асия дөләтлиридә паалийәт елип бериватқан миллий вә диний һәрикәтләр болуп, улар өзбекистан исламий һәрикити, һизбу тәһрир, оттура асия муҗаһитлар җамаити вә шәрқий түркистан исламий һәрикити қатарлиқ тәшкилатларни өз ичигә алиду.

Қазақистан баш тәптиш идарисиниң баянатида, курд миллий қурултийи, боз қуртлар һәрикити, мәркизи пакистандики ләшкәри тайибә, мәзкизи ковәйттики иҗтимаий ислаһат җәмийити, әлқаидә тәшкилати вә талибанлар қатарлиқ тәшкилат вә һәрикәтләрниңму қазақистан земинда паалийәт елип бериши, қазақистан пуқралириниң мәзкур тәшкилатларға әза болуши, бу тәшкилатларниң паалийитигә қатнишиши һәмдә бу тәшкилатлар вә һәрикәтләр билән алақә қурушиниң чәкләнгәнлики тәкитләнгән. (Қанат)

© 2006 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.