Қазақистандики сиясий өктичиләр алмата шәһиридә йеғилиш өткүзди


2007.02.10

Қазақистандики сиясий өктичиләр, қазақистан өктичи һәрикитиниң рәһбири алтунбек сәрсан байоғлуниң өлтүрүлгәнликиниң бир йиллиқи мунасивити билән шәнбә күни алмата шәһиридә чоң йеғилиш өткүзди. Сәрсан байоғлу 2006‏-йили 11‏- феврал күни шопури вә қоғдиғучиси билән бирликтә өлтүрүлгән иди.

Шәнбә күнидики йеғилишта сөз қилған қазақистан үктичи һәрикитиниң рәһбәрлири, қазақистан һөкүмитини сәрсан байоғлуниң немә үчүн вә кимләрниң тапшуруқи билән өлтүрүлгәнликини юшуруватиду, дәп әйиблиди.

Қазақистандики сиясий өктичиләр, бурун президент нәзәрбайиф һөкүмитидә муһим вәзипиләр өтигән сарсан байоғлуниң, сиясий бир сүйқәстниң қурбани икәнликини, униң өлтүрүлүшидә қазақистандики һакимийәткә йеқин кишиләрниң қоли барлиқини илгири сүрмәктә.

Гәрчә өткән йил, сәрсан байоғлуниң өлтүрүлүш делосиға мунасивәтлик 10 киши қолға илинип сотқа тартилған болсиму, лекин қазақистандики сиясй өктичиләр, бу сотниң, сарсан байоғулиниң һәқиқий қатиллирини қоғдап қилиш үчүн орунлаштурулған ясалма сот икәнликини тәкитлимәктә.

Қазақистан өктичи паалийәтчиси гулҗан йәргалийива, алматадики йеғилишта қилған сөзидә, гәрчә президент нәзәр байиф, қазақистанниң явропа бихәтәрлик вә һәмкарлиқ тәшкилатиға охшаш бир тәшкилатниң рәислик вәзиписни үстигә елишини ойлиса, униң башта сәрсан байоғлуниң һәқиқи қатиллирини тепиши керәк, деди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.