Qazaqistandiki siyasiy öktichiler almata shehiride yéghilish ötküzdi

Qazaqistandiki siyasiy öktichiler, qazaqistan öktichi herikitining rehbiri altunbék sersan bay'oghluning öltürülgenlikining bir yilliqi munasiwiti bilen shenbe küni almata shehiride chong yéghilish ötküzdi. Sersan bay'oghlu 2006‏-yili 11‏- féwral küni shopuri we qoghdighuchisi bilen birlikte öltürülgen idi.

Shenbe künidiki yéghilishta söz qilghan qazaqistan üktichi herikitining rehberliri, qazaqistan hökümitini sersan bay'oghluning néme üchün we kimlerning tapshuruqi bilen öltürülgenlikini yushuruwatidu, dep eyiblidi.

Qazaqistandiki siyasiy öktichiler, burun prézidént nezerbayif hökümitide muhim wezipiler ötigen sarsan bay'oghluning, siyasiy bir süyqestning qurbani ikenlikini, uning öltürülüshide qazaqistandiki hakimiyetke yéqin kishilerning qoli barliqini ilgiri sürmekte.

Gerche ötken yil, sersan bay'oghluning öltürülüsh délosigha munasiwetlik 10 kishi qolgha ilinip sotqa tartilghan bolsimu, lékin qazaqistandiki siyasy öktichiler, bu sotning, sarsan bay'oghulining heqiqiy qatillirini qoghdap qilish üchün orunlashturulghan yasalma sot ikenlikini tekitlimekte.

Qazaqistan öktichi pa'aliyetchisi guljan yergaliyiwa, almatadiki yéghilishta qilghan sözide, gerche prézidént nezer bayif, qazaqistanning yawropa bixeterlik we hemkarliq teshkilatigha oxshash bir teshkilatning re'islik wezipisni üstige élishini oylisa, uning bashta sersan bay'oghluning heqiqi qatillirini tépishi kérek, dédi. (Qanat)