Qazaqistanda kan partlash weqesi yüz bérip ölgenler 43 ke yetti

Charshenbe küni qazaqistanning qaraghanda rayonidiki lénin kömür kénida partlash yüz bérip, hazirgha qeder ölgenler 43 ke yetti.

Qazaqistan metbu'atlirining éytishigha qarighanda, weqe charshenbe küni ettigen sa'et 9 etrapida, kanning 500 métir chongqurluqida yüz bergen bolup, partlash yüz bergende 300 din artuq ishchi kan asitida meshghulat qiliwatqan iken.

Qaraghanda rayonining bixeter ishlepchiqirishqa mes'ul xadimi muxbirlargha partlash yüz bergendin kéyin 324 neper kan ishchisi qutulup chiqqan bolsimu, otning hazirghiche öchürülmigenlikini, 19 ishchining jesidining élip chiqilghanliqini bildürgen.

Qaraghanda lénin kömür kéni qazaqistandiki eng chong kan hésablinidu. Qaraghandada buningdin ilgiri yeni 2004 - yili dékabirda yene bir métal tawlash kénida partlash yüz bérip 23 adem ölgen idi.

Nöwette, qaraghanda hemde qazaqistan tekshürgüchi xadimliri bu qétimliq kan partlash weqesi üstidin tekshürüsh élip barmaqta. (Gülchéhre)