Қазақистанда кан партлаш вәқәси йүз берип өлгәнләр 43 кә йәтти

• 
  2006-09-20

Чаршәнбә күни қазақистанниң қарағанда районидики ленин көмүр кенида партлаш йүз берип, һазирға қәдәр өлгәнләр 43 кә йәтти.

Қазақистан мәтбуатлириниң ейтишиға қариғанда, вәқә чаршәнбә күни әттигән саәт 9 әтрапида, канниң 500 метир чоңқурлуқида йүз бәргән болуп, партлаш йүз бәргәндә 300 дин артуқ ишчи кан аситида мәшғулат қиливатқан икән.

Қарағанда райониниң бихәтәр ишләпчиқиришқа мәсул хадими мухбирларға партлаш йүз бәргәндин кейин 324 нәпәр кан ишчиси қутулуп чиққан болсиму, отниң һазирғичә өчүрүлмигәнликини, 19 ишчиниң җәсидиниң елип чиқилғанлиқини билдүргән.

Қарағанда ленин көмүр кени қазақистандики әң чоң кан һесаблиниду. Қарағандада буниңдин илгири йәни 2004 - йили декабирда йәнә бир метал тавлаш кенида партлаш йүз берип 23 адәм өлгән иди.

Нөвәттә, қарағанда һәмдә қазақистан тәкшүргүчи хадимлири бу қетимлиқ кан партлаш вәқәси үстидин тәкшүрүш елип бармақта. (Гүлчеһрә)