Altunbékning ölümi sewebidin qazaqistanning bixeterlik ministiri istipa berdi


2006-02-22
Share

Qazaqistan bixeterlik komitétining bashliqi nartay dutbayéw qol astidiki bir nechche kishilerning, qazaqistandiki dangliq siyasiy öktichi altinbék sersanbayéwning ölümige chétilip qalghanliqi sewebidin charshenbe küni xizmitidin istipa berdi.

Qazaqistandiki öktichiler altinbék ölümining bir siyasiy süyqest bolup, buningda bixeterlik organlirining qoli barlighini bildürgen idi. Bu jinayetni sadir qilghan dégen guman bilen qolgha élin'ghan 6 kishining ichide 5 i bixeterlik idarisining ademliri bolup chiqqan.

Nartay dutbayéw istipa xétini prézidént nursultan nazarbayéwgha tapshurghan hemde muxbirlarni kütiwélish yighinida, " men hazirqi bu weziyette özemni dölet bixeterlik komitétigha bashliq bolushqa wijdaniy jehettin hoquqluq emes dep qaraymen " deydu. U yene, qolgha élin'ghan bixeterlik idarisining xadimlirini " kespiy mejburiyitige we xelqning menpe'etige satqunluq qilghan"dep eyiblep, ularning choqum jazalinishi kéreklikini eskertken.

Prézidént nursultan nazarbayéw charshenbe küni naratay dutbayéw bilen körüshken hemde uning istipa bérish iltimasini qobul qilghan. Dangliq siyasiy öktichi altinbék sersanbayéw qazaqistan naghiz aq yol partiyisining rehbiri bolup, u 11‏- féwral küni görüge élinip shopuri bilen birge étip öltürülgen. Weqedin kéyin amérikining qazaqistanda turushluq elchixanisi bayanat élan qilip, qazaqistan hökümitini bu weqe üstidin "derhal we teltöküs" tekshürüsh élip bérishni telep qilghan idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet