Qazaqistanda 12 kishi özlirini prézidént saylimigha kandidat körsetti

Qazaqistan merkiziy saylam komitéti düshenbe küni 12 kishige, qazaqistanda aldimizdiki dikabir éyida ötküzülidighan prézidént saylimida kandidat bolush salahiyiti berdi. Düshenbe küni, dikabir éyida qazaqistanda ötküzülidighan prézidént saylimida özini kandidat qilip körsitidighanlarni en'ge alidighan axirqi kün idi.

Amérika birleshme agéntliqining xewer qilishiche, 4 - dikabir küni ötküzülidighan prézidént saylimigha jem'iy 17 kishi özlirini kandidat qilip körsetken bolup, qazaqistan merkiziy saylam komitéti ularning 12 sining kandidatliqini qobul qilghan.

Qazaqsitan merkiziy saylam komitéti, qalghan besh kishining kandidatliqini qazaq téli imtihanidin ötelmigenliki üchün ret qilghanliqini bildürdi.

Gerche qazaqistanda ötküzülidighan prézidént saylimigha 12 kishi özlirini kandidat qilip körsetken bolsimu, lékin xewerlerge qarighanda bu saylamda bir- biri bilen prézidéntliqni talishidighan eng küchlük ikki kandidat, qazaqistanning nöwettiki prézidénti nursultan nazarbayéf bilen öktichi "adaletlik bir qazaqistan üchün" ittipaqining re'isi jumerxan tuyaqbay iken. (Qanat)