Qirghizistanda weziyet jiddiyleshmekte


2007-04-19
Share

Qirghizistanda prézidént baqiyif hakimiyitige qarshi 9 kündin béri dawamlishiwatqan naraziliq herikiti jiddiy tüs élishqa bashlidi.

Peyshenbe küni qirghizistan bixeterlik qisimliri béshkekte prézidént sariyi etrapida toplan'ghan minglighan namayishchini tarqitish üchün yash aqquzush bombisi we awaz chiqiridighan bombilarni ishletti.

Amérika birleshme agéntliqining xewer qilishiche, prézidént baqiyifning sariyi aldida toplan'ghan 7000 etrapida namayishchi, prézidént sariyi etrapigha orunlashturulghan saqchilargha tash we botulkilarni atqan . Saqchilar namayishchilarni tarqitish üchün yash aqquzush bombisi we awaz chiqiridighan bomba ishletken we namayishchilarni prézidént sariyi etrapidin uzaqlashturghan.

Xewerlerge qarighanda, qirghizistan hökümiti bixeterlik tedbirlirini téximu kücheytken bolup, béshkek shehirining merkizi kuchisida qirghiz bixeterlik qisimliri charlimaqta. Namayishchilar prézidénti baqiyiftin wezipisidin istpa bérip, qirghizistanda yéngi prézidént saylimi ötküzüshini telep qilmaqta.

Közetküchiler, qirghizistan siyasiy öktichi herikiti teripidin bashlan'ghan we 9 kündin béri tinchliq bilen dawamlishiwatqan béshkektiki naraziliq herikitining, qanliq bir heriketke aylinip kétishidin endishe qilmaqta.

Peyshenbe küni, qirghizistan siyasiy öktichi herikitining rehberlirining béri bolghan omerbék tikebayif muxbirlargha bergen bayanatida "namayishchilarni bolupmu namayishchilar arisidiki yashlarni kontrol qilish barghansiri qéyinlishiwatidu" dégen közetküchiler tikebayifning bu sözlirini jiddiy bir agahlandurush, dep qarimaqta. (Omer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet