Қирғиз кишилик һоқоқ паалийәтчиси из дерәксиз йоқалди


2004.11.18

Қирғизистандики даңлиқ кишилик һоқоқ паалийәтчиси турсунбек ахуноф икки күн авал дөләт бихәтәрлик хадимлири тәрипидин чақиртилғандин кийин, из - дерәксиз йоқалған.

Америка бирләшмә ахбарат агентлиқиниң билдүришичә, турсунбек ахуноф сәйшәнбә күни қирғизистан дөләт бихәтәрлик оргининиң бир юқири дәриҗилик әмәлдари билән көрүшүш үчүн өйидин чеқип кәткән пети һазирғичә қайтип кәлмигән.

Әмма қирғизистан дөләт бихәтәрлик оргининиң баянатчиси, уларниң турсунбек ахунофниң йоқап кетиши билән мунасивити йоқлиғини, мәзкүр органниң һичқайси хадиминиң сәйшәнбә күни турсунбек ахуноф билән алақилашмиғанлиқини билдүргән. Қирғизистандики бир қисим кишиләр, униң гөрүгә елинған болиши момкинлигини пәрәз қилмақта.

Турсунбек ахуноф инсан һоқоқини һимайә қилиш һәрикити тәшкилатиниң рәһбири болуп, у йеқинда пиризидент әсқәр ақайефниң истипа беришини тәләп қилидиған очуқ хәткә имза йиғиш паалийәтләргә қатнашқан. Турсунбек ахуноф шундақла уйғур миллий мустәқиллиқ һәрикитини қоллап келиватқан очоқ сөзлүк зат болуп, у илгири қирғизистан һөкүмитиниң хитай һөкүмитигә ярдәмлишип уйғурларни бастурғанлиқини қаттиқ әйиплигән иди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.