Qirghiz kishilik hoqoq pa'aliyetchisi iz déreksiz yoqaldi


2004-11-18
Share

Qirghizistandiki dangliq kishilik hoqoq pa'aliyetchisi tursunbék axunof ikki kün awal dölet bixeterlik xadimliri teripidin chaqirtilghandin kiyin, iz - déreksiz yoqalghan.

Amérika birleshme axbarat agéntliqining bildürishiche, tursunbék axunof seyshenbe küni qirghizistan dölet bixeterlik orginining bir yuqiri derijilik emeldari bilen körüshüsh üchün öyidin chéqip ketken péti hazirghiche qaytip kelmigen.

Emma qirghizistan dölet bixeterlik orginining bayanatchisi, ularning tursunbék axunofning yoqap kétishi bilen munasiwiti yoqlighini, mezkür organning hichqaysi xadimining seyshenbe küni tursunbék axunof bilen alaqilashmighanliqini bildürgen. Qirghizistandiki bir qisim kishiler, uning görüge élin'ghan bolishi momkinligini perez qilmaqta.

Tursunbék axunof insan hoqoqini himaye qilish herikiti teshkilatining rehbiri bolup, u yéqinda pirizidént esqer aqayéfning istipa bérishini telep qilidighan ochuq xetke imza yighish pa'aliyetlerge qatnashqan. Tursunbék axunof shundaqla Uyghur milliy musteqilliq herikitini qollap kéliwatqan ochoq sözlük zat bolup, u ilgiri qirghizistan hökümitining xitay hökümitige yardemliship Uyghurlarni basturghanliqini qattiq eyipligen idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet