Й б һ т қирғизистанни әркин вә адил сайлам елип беришқа чақирди


2004-11-30
Share

Қирғизистанни зиярәт қилған явропа бихәтәрлик вә һәмкарлиқ тәшкилатиниң юқири дәриҗилик әлчиси, қирғизистан даирилирини украинийидики кризистин савақ елип, қирғизистанда әркин вә адил сайлам елип беришқа чақирди.

явропа бихәтәрлик вә һәмкарлиқ тәшкилатиниң вәкили мартий ахтисари, 2005 - йили өткүзүлидиған қирғизистан парламент сайлими билән қирғизистан президент сайлиминиң 2000 - йилдики сайламдин яхширақ өткүзүлүшини үмид қилған. 2000 - Йилдики сайлам хәлқара көзәткүчиләр вә қирғизистандики өктичиләрниң тәнқидигә учриған иди.

Бирләшмә ахбарат агентлиқиниң хәвәр қилишичә, ахтисари"украинийидики кризис, һәммә адәмниң сайлам адил вә әркин елип берилди дийәлиши үчүн интайин муһимлиқини көрситидиған типик мисал," дәп тәкитлигән.

21- Ноябир украинийидә өткүзүлгән сайлам өктичиләрниң мәмликәт характерлик наразилиқини қозғиған. Ахтисари, дүшәнбә күни президент акайеф, ташқий ишлар министири әсқар айтматофлар билән көрүшүп, өлүм җазасини йәнә кечиктүрүшни тәләп қилған.

Қирғизистан 1998 - йилдин бери өлүм җазасини иҗра қилишни кечиктүрүп келиватиду. Сәйшәнбә күни мухбирларни күтүвелиш йиғини өткүзгән ахтисари, йеқинда из - дерәксиз йоқап кәткән қирғизистандики кишилик һоқуқ паалийәтчиси турсун ақинофниң ақивитигә көңүл бөливатқанлиқини әскәрткән.(Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт