Y b h t qirghizistanni erkin we adil saylam élip bérishqa chaqirdi


2004-11-30
Share

Qirghizistanni ziyaret qilghan yawropa bixeterlik we hemkarliq teshkilatining yuqiri derijilik elchisi, qirghizistan da'irilirini ukra'iniyidiki krizistin sawaq élip, qirghizistanda erkin we adil saylam élip bérishqa chaqirdi.

Yawropa bixeterlik we hemkarliq teshkilatining wekili martiy axtisari, 2005 - yili ötküzülidighan qirghizistan parlamént saylimi bilen qirghizistan prézidént saylimining 2000 - yildiki saylamdin yaxshiraq ötküzülüshini ümid qilghan. 2000 - Yildiki saylam xelq'ara közetküchiler we qirghizistandiki öktichilerning tenqidige uchrighan idi.

Birleshme axbarat agéntliqining xewer qilishiche, axtisari"ukra'iniyidiki krizis, hemme ademning saylam adil we erkin élip bérildi diyelishi üchün intayin muhimliqini körsitidighan tipik misal," dep tekitligen.

21- Noyabir ukra'iniyide ötküzülgen saylam öktichilerning memliket xaraktérlik naraziliqini qozghighan. Axtisari, düshenbe küni prézidént akayéf, tashqiy ishlar ministiri esqar aytmatoflar bilen körüshüp, ölüm jazasini yene kéchiktürüshni telep qilghan.

Qirghizistan 1998 - yildin béri ölüm jazasini ijra qilishni kéchiktürüp kéliwatidu. Seyshenbe küni muxbirlarni kütüwélish yighini ötküzgen axtisari, yéqinda iz - déreksiz yoqap ketken qirghizistandiki kishilik hoquq pa'aliyetchisi tursun aqinofning aqiwitige köngül böliwatqanliqini eskertken.(Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet