Qirghizistan aliy soti asasiy qanun'gha kirgüzülgen özgirishni bikar qildi
2007.09.15
Qirghizistan aliy soti jüme küni, ötken yili qirghizistan parlaminti teripidin asasiy qanun'gha kirgüzülgen özgirishlerni bikar qildi. Qirghizistan aliy sotining bu qarari bilen, prézidént baqyif parlaméntqa ötküzüp bérishke razi bolghan bezi salahiyetler, qaytidin baqiyifqa tapshurulidighan boldi.
Köpchilikke melum bolghandek, ötken yili qirghizistanda prézidént baqiyifqa qarshi ötküzülgen keng kölemlik naraziliq namayishliridin kéyin, baqyif, asasiy qanun'gha özgirish kirgüzüp, prézidént salahiyetlirining bir qisimidin wazkichishni qobul qilghan idi.
Yéqinda, qirghizistan parlaméntining ikki ezasi, ötken yili noyabir we dékabir aylirida qirghizistan parlaminti teripidin asasiy qanun'gha kirgüzülgen özgirishlerning, qanunlargha muwapiq bolup-bolmighanliqi toghrisida höküm chiqirishi üchün, qirghizistan aliy sotigha erz sun'ghan.
Qirghizistan aliy soti jüme küni, ötken yili 9- noyabir we 30 - dékabir künliri asasiy qanun'gha kirgüzülgen özgirishlerning qanunlargha muwapiq emes ikenliki toghrisida höküm chiqardi hemde asasiy qanun'gha kirgüzülgen özgirishlerni bikar qildi.
Qirghizistan aliy sotining mezkur qarari bilen, 2003- yilidiki asasiy qanun, qaytidin ijra qilinshqa bashlandi . Bu asasiy qanun, prézidént baqiyifqa parlaméntni bikar qilish, hökümetni we ministirlarni teyinlesh qatarliq slahiyetlerni béridu. (Ömer qanat)
Munasiwetlik maqalilar
- Qirghizistan 120 döletning qatnishishi bilen xelq'araliq güzellik musabiqisi ötküzmekchi
- Xujintaw qirghizistan ziyaritini bashlidi
- Amérika Uyghur jem'iyiti shangxey guruhining herbiy manéwirini eyiblidi
- Qirghizistan tashqi ishlar minstiri
- Yaponiye qirghizistan'gha aktip yardem béridu
- Bishkek sen'etkarliri shangxey hemkarliqining yighinigha jiddiy teyyarliq qilmaqta
- Qirghizlar bilen özbékler otturisidiki munasiwet barghanséri jiddiyleshmekte
- Amérika mudapi'e ministiri qirghizistanni ziyaret qilmaqchi
- Qulupning qirghizistanni rusiyige qétish teklipi merkizi asiyaliqlarning inkasini qozghidi
- Xitay qirghizistan'gha shangxey guruhining yighinining bixeterlikini birlikte qoghdash teklipini berdi