Президент бақийеф қирғизистан парламентини тарқитиветиш буйруқи чүшүрди
2007.10.22
Қирғизистан президенти қурманбек бақийеф, дүшәнбә күни қирғизистан парламентини тарқитиветиш һәққидики бир буйруқнамиға имза қойди. Бақийеф буйруқнамисидә парламентни әйибләп, бир мәзгилдин бери парламент өзиниң һоқуқ даирисидин һалқип кетидиған бир қатар қанунсиз қарарларни чиқарди. Парламентниң өткән йили 11 - вә 12 - айларда чиқарған икки қетимлиқ йеңи асасий қануни, асасий қанун мәһкимиси тәрипидин қанунсиз, дәп қарилип бикар қилинди, дәп көрсәткән.
Буйруқнамидә йәнә " парламент өзиниң һәрикити билән кризис яритип, парламент әзалири билән асасий қанун мәһкимиси арисида келиштүргили болмайдиған зиддйәтләрни пәйда қилди " дәйду. Бақийеф буйруқнамисидә, бу вәзийәтни көздә тутуп парламентни тарқитиветишни қарар қилғанлиқини билдүргән. Лекин бақийеф, йеңи парламент сайлиминиң қачан елип берилидиғанлиқини тилға алмиди.
Хәвәрләргә қариғанда бақийеф, парламентни тарқитиветиштә йәкшәнбә күни елип берилған рефирандумниң нәтиҗисини асас қилған. Қирғизистан йәкшәнбә күни йеңи асасий қанун вә сайлам қанунини омуми хәлқниң авазиға қойған болуп, қирғизистан мәркизи сайлам комитетиниң дәсләпки статистикисида көрситилишичә, рефирамдумға қатнашқан пуқраларниң %75 и бақийеф оттуриға қойған йеңи асасий қанун вә сайлам қанунини қоллиған.
Лекин қирғизистандики өктичи гуруһлар, йеңи асасий қанунда президентниң һоқуқи күчәйтилгәнликини вә буниң мустәбитликкә елип баридиғанлиқини агаһландуруп, асасий қанун лайиһисигә қарши чиққан. (Әркин)
Мунасивәтлик мақалилар
- Қирғизистанниң нарин областидики пуқралар хитай алтун қазғучилиридин нарази болди
- Қирғизистанда уйғурлар роза һейт байримини қизғин күтүвалди
- Қирғизистан президентиниң келиштүргүчи вәкили хитай көмүрчилик карханилирини әйиблиди
- Хитай һәрбий даирилири русийә-хитай бирләшмә маневирға қатнашқанларни мукапатлиди
- Қирғизистан алий соти асасий қанунға киргүзүлгән өзгиришни бикар қилди
- Шаңхәй һәмкарлиқ тәшкилатиға әза дөләт башлиқлириниң алий дәриҗилик учришиши бишкәктә башланди
- Хуҗинтав қирғизистан зияритини башлиди
- Америка уйғур җәмийити шаңхәй гуруһиниң һәрбий маневирини әйиблиди
- "Бишкәктә уйғур тиҗарәтчиләр тутқун қилинмақта"
Көп көрүлгән хәвәрләр
RFA
- Истанбулда “уйғур мәһәллиси” қурулушиниң пүтүп чиқиши мунасивити билән ечилиш мурасими өткүзүлди
- Торонто университети доклати: “уйғур аял кишилик һоқуқ қоғдиғучилири вә журналистлар хитайниң мисли көрүлмигән бастурушиға учриған”
- Уйғур вәкиллири түркийә парламентидин уйғур қирғинчилиқини өз күнтәртипигә қоюшни тәләп қилди
- Б д т да милләтләрниң вәкиллик қилиш һәқ-һоқуқлири муһакимә қилинди
- Хитайниң уйғурларға “мән җуңголуқ” дәп сөзлитидиған тәшвиқат видийолири көпләп тарқалмақта