Amérika qirghizistandin süyqestke uchrighan muxbirning qatilini éniqlashni telep qildi


2007-10-26
Share

Amérika qirghizistan da'irilirini metbu'at erkinlikige hörmet qilishqa chaqirip, charshenbe küni qirghizistanning osh shehiride öltürülgen amérika awazi radi'osining özbék bölümi muxbiri elishir sayipofning qatilini éniqlap chiqishni telep qildi.

Bu yil 26 yashlardiki elishir sayipof, amérika awazi radi'osi bilen erkin yawropa radi'osi özbék bölümining osh oblastidiki ixtiyari muxbiri bolup, u charshenbe küni etigende namelum kishiler teripidin öyi aldida étip öltürülgen.

Amérikining qirghizistandiki bash elchixanisi peyshenbe küni tor bétide bayanat élan qilip, " biz , bu wehshiyane heriket üstidin derhal we üzül ‏- késil tekshürüsh élip bérilishini ümid qilimiz " dédi. Bayanatta yene, "axbaratchilar we ularning terepsiz xewerchiliki erkin we ochuq jem'iyetning hul téshidur. Shundaqla ulargha buzghunchiliq qilish yaki ularning awazini boghush yolidiki her qandaq urunushqa süküt qilinmaydu," dep körsitildi.

Osh shehiri qirghizistanning özbékler küp sanliqni igileydighan , özbék chégrisidiki weziyiti sezgür rayonlarning biri bolup, elishir saypi'of bu yerdin özbékistandiki kishilik hoquq we diniy erkinlik depsendichilikni pash qilidighan nurghun xewerlerni bergen. Buning aldida amérika axbarat memuri komitéti elishir sayipofning öltürülüsh weqesini eyiblep, qirghizistan da'iriliridin qatilni tépip chiqishni telep qilghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet