Öktichiler qirghizistandiki saylamning adil élip bérilmighanliqini bildürmekte


2007-12-20
Share

Qirghizistandiki saylamning peyshenbe küni élan qilin'ghan eng yéngi xulasidin qarighanda, prézidént qurmanbék baqiyéfning " aq jol partiyisi" din bashqa yene ikki partiye yeni üch partiye parlaménttin orun alghan. Emma saylamda yuqiri awazgha érishken öktichi partiye " ata - makan partiyisi " we bashqa öktichi partiyiler qirghizistan hökümet da'irlirini saylamda hiyle ishletti dep eyiblimekte.

Xewerlerge qarighanda, gerche ata ‏- makan partiyisi saylamda awazlarning 2. 9 Pirsentini qolgha keltürgen bolsimu, lékin qirghizistanning jenubiy rayonida yéqinda özgertilgen saylam qanunida rayonlar üchün otturigha qoyulghan 5. 9 Pirsentlik tosaqtin ötelmigenliki üchün parlaméntqa kirelmigen.

Amérika birleshme agéntliqining xewer qilishiche, saylamdin kéyin qirghizistanda toqunush yüz bérish éhtimalliqi aldin sezgen prézidént baqiyéf yétekchilikidiki aq jol partiyisi, saylam qanunidiki rayonlar üchün otturigha qoyulghan 0.5 Pirsentlik tosaqni bikar qilish üchün qirghizistan ali sotigha erz sun'ghan bolup, qirghizistan ali soti mezkur mesile üstide muzakire élip baridiken.

Bu arida ata - makan partiyisi bilen yene bir öktichi partiye, jüme küni memliketning herqaysi jayliridiki hökümet binasi aldida narazliq namayishi ötküzidighanliqini bildürgen. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet