Qirghizlar bilen özbékler otturisidiki munasiwet barghanséri jiddiyleshmekte


2007-06-28
Share

Qirghizistanning jenubiy rayonidiki qirghizlar bilen özbékler otturisidiki munasiwet barghanséri jiddiyleshmekte.

Qirghizistanning osh rayonidiki özbékler uzundin béri, qirghiz da'irilirining ulargha ikkinchi derijilik puqra mu'amilisi qiliwatqanliqidin shikayet qilip kelgen idi. Lékin ötken yilidin béri mülük hoquqi mesililiri tüpeyli, osh rayondiki özbék jama'itining qirghizistan hökümitige bolghan naraziliqi téximu kücheygen.

Osh rayondiki hökümet da'irilirining qirghizlar, özbéklerning yer-zéminlirini tartiwalsa, uni körmeslikke sélip, özbékler qirghizlarning yer - zéminige chéqilsa, özbéklerge qarshi qattiq qolluq bilen mu'amile qilishi, özbéklerning qattiq ghezipini qozghighan.

Xewerlerge qarighanda, bu yil yanwar éyida osh rayonida qadirjan baturof isimlik bir özbék siyasiyoni we karxanchisining yétekchilikide weten herikitining qurulghanliqi, qirghiz milletchilirining naraziliqini qozghighan. Qirghiz milletchiliri, ezaliri asasen özbéklerdin teshkil tapqan weten herikitini qirghizistanning jenubiy rayonini özbékistan'gha qoshushni meqset qilghan bir teshkilat dep qarimaqta.

Qirghiz da'iriliri, qirghizistandiki teshkilatlar ishlitidighan til we yéziqning ikki tilda yeni qirghiz yaki rus tilida bolushi kéreklikini ilgiri sürüp, hazirghiche weten herikitini resmiy en'ge élishni ret qilmaqta . Baturuf, weten kelimisining peqet özbék tilidila emes, Uyghur, kurd we tajik tilliridimu ana yurtni ipadileydighanliqini tekitlep, bu , weten herikitining özbéklerge emes, qirghizistandiki barliq az sanliq milletlerge wekillik qilidighan bir heriket ikenlikining bir ispati dep, körsetken.

Siyasiy mulahizichiler, 1990‏- yili qirghizistanning osh rayonida qanliq étnik toqunushlar yüz bergenlikini eskertip, rayonda qirghizlar we özbékler otturisida künséri jiddiylishiwatqan weziyetning yene bir toqunush keltürüp chiqirishidin endishe qilmaqta. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet