Қирғизистан парламент вә президент сайлиминиң вақтини елан қилди

2004-12-09
Елхәт
Пикир
Share
Принт

Қирғизистан президенти әсқәр ақайеф пәйшәнбә күни, қирғизистан парламенти сайлиминиң келәр йили 27 - фиврал күни, президент сайлиминиң 30 - өктәбир күни өткүзилидиғанлиқини җакарлиди.

Сабиқ совет иттипақиниң парчилиниши билән мустәқиллиққа еришкән, оттура асиядики бәш җумһурийәтниң президентлири һазирғичә йәңгүшлинип бақмиди.

Франсийә ахбарат агентлиқиниң хәвиригә қариғанда, президент әсқәр ақайеф дөләт телевизийисидә сөзлигән нутуқида, бу қетимқи сайламниң һичким мәсилә тапалмиғидәк дәриҗидә адил өткүзилишидә чиң туридиғанлиқини билдүргән. Буниң алдида у йәнә, бу қетимқи сайламда орун бошитидиғанлиқини вәдә қилған иди.

Бирақ тәнқидий қараштикиләр, ақайефниң бу қетим һәқиқәтән һакимийәтни өткүзүп беридиғанлиқиға гуман билән қаримақта. Улар ақайеф президент болғандин буянқи, сайлам вә рифирамдумларда мәсилә көрүлгәнликини билдүрүп, әгәр бу қетим сахтилиқ әһваллири көрүлсә, дөләттә муқимсизлиқ келип чиқиши мумкинликини көрсәтмәктә. (Арзу)

Пикирләр (0)
Share
Толуқ бәт