Qirghizistan parlamént saylimi


2007-12-15
Share

Yekshenbe küni, qirghizistanda parlamént saylimi ötküzülmekchi. Qirghizistan prézidénti qurmanbék baqiyifning aqyol partiyisi, sabiq qirghizistan bash ministiri almas bék atambayif rehberligidiki sotsiyal démokrat partiyisi we qirghizistanning sabiq parlamént re'isi ömerbék tékebayifning rehberligidiki ata makan partiyisi bu qétimqi parlamént saylimigha qatnashqan eng küchlük partiyiler hésablinidiken.

Gerche prézidént baqiyéf hökümiti, parlamént saylimining xelq'ara ölchemlerge muwapiq halda, démokratik we adaletlik bir saylam bolidighanliqini bayan qilghan bolsimu, emma qirghizistandiki siyasiy öktichi partiyiler, prézidént baqiyéf özining siyasiy reqiblirini parlaménttin tazilash üchün, saylam netijisini özgertiwétishi mumkin, déyishmekte.

Nurghun kishiler, prézidént baqyéfni, uzundin béri ottura asiyadiki eng démokratik dölet dep qarilip kelgen qirghizistandiki hakimiyetni barghansiri, mustebit bir hakimiyetke aylandurushqa tirishmaqta, dep eyiblimekte. Emma prézidént baqiyéf ötken peyshenbe küni bergen bayanatida, bu qétimqi parlamént saylimining adaletlik bir saylam bolushigha kapaletlik qilidighanliqini bildürdi.

Lékin, qirghizistandiki siyasiy öktichi guruppilar, yerlik hökümet da'irilirining parlamént saylimigha teyyarliq pa'aliyetliri jeryanida, prézidént baqiyifning aqyol partiyisige awaz bérishi üchün, puqralargha bésim ishletkenlikini, bayan qilmaqta.

2005‏- Yili qirghizistan ötküzülgen parlamént saylimida, prézidént aqayif terepdarlirining saylam netijisini özgertishke tirishishi, hökümetke qarshi keng kölemlik naraziliq namayishlirining ötküzülishige we axirida prézidént aqayif hakimiyitining gumran bolushigha seweb bolghan idi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet