ي ب ھ ت قىرغىزىستان دائىرىلىرىنىڭ ئۆكتىچىلەرنى باستۇرغانلىقىنى ئەيىبلىدى
2007.12.25
ياۋروپا بىخەتەرلىك - ھەمكارلىق تەشكىلاتى قىرغىزىستان دائىرىلىرىنىڭ ئۆتكەن ھەپتىدىكى قىرغىزىستان پارلامېنت سايلىمىغا نارازى بولغان ئۆكتىچى گۇرۇھلارغا " چېكىدىن ئاشقان كۈچ قوللانغانلىقى "نى ئەيىبلىدى.
قىرغىزىستاندىكى سايلامدا پارلامېنتتىكى ئورۇننىڭ مۇتلەق كۆپ قىسىمىنى پرېزىدېنت قۇرمانبېك باقىيېفنىڭ ئاقجول پارتىيىسى ئۇتقان بولۇپ، ئۆكتىچى پارتىيە - گۇرۇھلاردىن ئاتا ماكان پارتىيىسى سايلامدا 2 - پارتىيە بولۇپ چىققان بولسىمۇ، لېكىن پارلامېنتقا كىرەلمىگەن ئىدى. ئۆكتىچى پارتىيە - گۇرۇھلار قۇرمانبېك باقىيېف ھۆكۈمىتىنى سايلامدا ساختىپەزلىك قىلىش بىلەن ئەيىبلىمەكتە. ياۋروپا بىخەتەرلىك - ھەمكارلىق تەشكىلاتى دۈشەنبە كۈنى ئېلان قىلغان باياناتىدا قىرغىزىستاندىكى سايلامنىڭ دېموكراتىك ئۆلچەمگە توشمىغانلىقىنى بىلدۈردى.
ساقچىلار سايلام نەتىجىسىگە نارازى بولۇپ نامايىش قىلغان ئۆكتىچى پارتىيە ئەزالىرى ۋە كىشىلىك ھوقۇق پائالىيەتچىلىرىنى باستۇرغان ۋە بەزى نامايىشچىلارنى تۇتقۇن قىلغان. ياۋروپا بىخەتەرلىك - ھەمكارلىق تەشكىلاتى باياناتىدا مەزكۇر ئورگاننىڭ بېشكەكتىكى مەركىزىنىڭ رەھبىرى ساقچىلارنىڭ چېكىدىن ئاشقان كۈچ قوللانغانلىقى، قوپاللىقى ۋە ئاممىۋى تەشكىلاتلار، كىشىلىك ھوقۇق پائالىيەتچىلىرىنى ئادالەتسىزلىك بىلەن تۇتقۇن قىلغانلىقى سايلام تەرتىپىگە ئۇيغۇن كەلمەيدىغان ھەرىكەت، دەپ قارىلىدىغانلىقىنى ئىلگىرى سۈرگەن.
قىرغىزىستان ئۇزۇن يىللاردىن بېرى ئوتتۇرا ئاسىيادىكى نىسبەتەن دېموكراتىك دۆلەت، دەپ قارىلىپ كەلمەكتە ئىدى. لېكىن ئۆتكەن ھەپتىدىكى سايلام قىرغىزىستاننىڭ بۇ ئوبرازىنى يەر بىلەن يەكسان قىلدى. رويتېرس ئاخبارات ئاگېنتلىقىنىڭ ئەسكەرتىشىچە، ياۋروپا بىخەتەرلىك - ھەمكارلىق تەشكىلاتىنىڭ ئەمەلدارى ماركۇس ميۇللېر، قىرغىزىستان دائىرىلىرىدىن ۋەزىيەتنى ياخشىلايدىغان قەدەملەرنى بېسىشنى تەلەپ قىلغان. (ئەقىدە)
مۇناسىۋەتلىك ماقالىلار
- خۇ جىنتاۋ ئۆزبېكىستانغا تەكرار پرېزىدېنت بولغان كېرىموفنى تەبرىكلىدى
- قىرغىزىستاندا سايلام خۇلاسىسى چىقتى
- قازاقىستان ياۋروپا بىخەتەرلىك ۋە ھەمكارلىق تەشكىلاتىنىڭ رەئىس دۆلىتى بولىدۇ
- شاڭخەي گۇرۇھىغا ئەزا دۆلەتلەرنىڭ مەدەنىيەت خادىملىرىنىڭ بىلىم ئاشۇرۇش كۇرسى ئۈرۈمچىدە ئۆتكۈزۈلدى
- ۋۇ باڭگۋو، شەرقىي تۈركىستان كۈچلىرىنى باستۇرۇشتا ياردەم بەرگەن ئۆزبېكىستانغا رەخمەت ئېيتتى
- ب د ت تەن جازاسىغا قارشى تۇرۇش كومىتېتى ئۆزبېكىستاننى قاتتىق ئەيىبلىدى
- بىشكەكتە مەركىزىي ئاسىيا دۆلەتلىرى ئىتتىپاقىنى قۇرۇش مەسىلىسى مۇزاكىرە قىلىندى
- ئەزەربەيجاندا تۈركىي دۆلەتلىرىنىڭ قېرىنداشلىق قۇرۇلتىيى چاقىرىلدى
- ئوتتۇرا ئاسىيا دۆلەتلىرى تېررورغا قارشى كۈرەشتىن پايدىلىنىپ ئۆكتىچىلەرنى باستۇرماسلىقى كېرەك
كۆپ كۆرۈلگەن خەۋەرلەر
RFA
- ئۈرۈمچىدىكى مەشھۇر بىنا—«رابىيە قادىر سودا سارىيى» نىڭ چېقىۋېتىلگەنلىكى دەلىللەندى
- كانادا ھۆكۈمىتىنىڭ ئون مىڭ ئۇيغۇرنى ئورۇنلاشتۇرۇشىنىڭ تۇنجى قەدىمى مۇۋەپپەقىيەتلىك بېسىلدى
- «ئۇيغۇر سەنئەت كۆرگەزمىسى» گە يانداشقان ئۇيغۇر قىرغىنچىلىقى مۇھاكىمە يىغىنى باشلاندى
- رىشات ئابباس ئامېرىكا دۆلەت مەجلىسىدە ئۇيغۇر تىلى، مەدەنىيىتى ۋە خاتىرىسىنى قوغداشقا تېخىمۇ كۆپ ئىقتىساد ئاجرىتىشقا چاقىردى
- نۇرى تۈركەل: «ئامېرىكانىڭ ئانامنى ئەكېلىشىنى ئۇيغۇرلارغا كۆرسىتىۋاتقان غەمخورلۇقىنىڭ ئىپادىسى، دەپ قارايمەن»