Y b h t qirghizistan da'irilirining öktichilerni basturghanliqini eyiblidi


2007.12.25
Share on WhatsApp
Share on WhatsApp

Yawropa bixeterlik - hemkarliq teshkilati qirghizistan da'irilirining ötken heptidiki qirghizistan parlamént saylimigha narazi bolghan öktichi guruhlargha " chékidin ashqan küch qollan'ghanliqi "ni eyiblidi.

Qirghizistandiki saylamda parlaménttiki orunning mutleq köp qisimini prézidént qurmanbék baqiyéfning aqjol partiyisi utqan bolup, öktichi partiye - guruhlardin ata makan partiyisi saylamda 2 - partiye bolup chiqqan bolsimu, lékin parlaméntqa kirelmigen idi. Öktichi partiye - guruhlar qurmanbék baqiyéf hökümitini saylamda saxtipezlik qilish bilen eyiblimekte. Yawropa bixeterlik - hemkarliq teshkilati düshenbe küni élan qilghan bayanatida qirghizistandiki saylamning démokratik ölchemge toshmighanliqini bildürdi.

Saqchilar saylam netijisige narazi bolup namayish qilghan öktichi partiye ezaliri we kishilik hoquq pa'aliyetchilirini basturghan we bezi namayishchilarni tutqun qilghan. Yawropa bixeterlik ‏- hemkarliq teshkilati bayanatida mezkur organning béshkektiki merkizining rehbiri saqchilarning chékidin ashqan küch qollan'ghanliqi, qopalliqi we ammiwi teshkilatlar, kishilik hoquq pa'aliyetchilirini adaletsizlik bilen tutqun qilghanliqi saylam tertipige uyghun kelmeydighan heriket, dep qarilidighanliqini ilgiri sürgen.

Qirghizistan uzun yillardin béri ottura asiyadiki nisbeten démokratik dölet, dep qarilip kelmekte idi. Lékin ötken heptidiki saylam qirghizistanning bu obrazini yer bilen yeksan qildi. Roytérs axbarat agéntliqining eskertishiche, yawropa bixeterlik ‏- hemkarliq teshkilatining emeldari markus myullér, qirghizistan da'iriliridin weziyetni yaxshilaydighan qedemlerni bésishni telep qilghan. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.