Қирғизистан ташқи ишлар минстири

Қирғизистан ташқи ишлар минстири аднан қарабайиф, йеқинда қирғизистанда бир хитай пуқрасиниң җасуслуқ паалийити билән тутулғанлиқиниң хитай- қирғизистан мунасивәтлиригә тәсир йәткүзмәйдиғанлиқини билдүрди.

Қарабайиф 3‏- авғуст күни бешкәктә азатлиқ радиоси мухбириниң қирғизистандики хитай җасуслуқ сәтчиликиниң хитай-қирғизистан мунасивәтлиригә тәсири һәққидики соалиға бәргән җавабида": хитайға җасуслуқ қилған дегән киши, қирғизистанниң йеңи асаси қанун лайиһиси билән тутулған. Мениңчә асасий қанун лайиһиси вә парламентниң хизмити һәққидики учурлар мәхпи учур һесабланмайду", деди.

Җасуслуқ сәтчиликиниң қирғизистан-хитай мунасивәтлиригә тәсир йәткүзмигәнликини тәкитлигән қирғизистан ташқи ишлар минстири," мәзкур җасуслуқ сәтчилики оттуриға чиққан мәзгилидә қирғизистанни зиярәт қиливатқан хитай ташқи ишлар минстири билән икки дөләт оттурисидики иқтисадий мунасивәтләрни тәрәққий қилдуруш һәққидә нурғунлиған мәсилиләрни музакирә қилдуқ һәмдә хитай дөләт рәиси хуҗинтав ниң 15‏-авғуст күни қирғизистанни зиярәт қилиду. Қирғизистан -хитай мунасивәтлири тәрәққий қиливатиду. Җасуслуқ сәтчилики буниңға тосалғу болалмайду" дәп көрсәтти.

Қарабайиф, беишкәктә өткүзүлидиған шаңхәй һәмкарлиқ тәшкилати дөләт башлиқлири йиғинида, манастики америка һәрбий базиси мәсилсии оттуриға қоюлуши мумкинлиқини әскәртип, " һәммә достлиримиз , бу базиниң афғанистанниң қайтидин қурулуши җәрянидики ролини яхши билиду." Деди.

Қирғизистанниң террорчилиққа қарши хәлқара иттипақниң бир әзаси икәнликини тәкитлигән қарабайиф, "манас айридуруми бизниң хәлқара террорчилиққа қарши паалийәтләргә қошқан һәссимиз . Бу йәрдики һәрбий базидин террорчилиққа қарши уруш билән мунасивәтсиз һәрикәтләрдә пайдилинишқа болмайду, дәп көрсәтти. (Өмәр қанат)