Қирғизистандики өктичи партийиләр демократийә үчүн бирләшти

2004-12-30
Елхәт
Пикир
Share
Принт

Бир вақитлар оттура асиядики әң демократик дөләт дәп нам чиқарған қирғизистан, йеқинқи йиллардин бири аста- аста бу унванини йоқитишқа башлиди . Қирғизистандики сиясий өктичиләр, президент әсқәр ақайоф һакимийитиниң аллиқачан өзбекстан, қазақистан вә түркмәнистандики диктатор һакимийәтләр сепигә қитилғанлиқини билдүрмәктә . Уларниң ейтишичә, қирғизстанниң пүтүн сиясий вә иқтисадий күч органлири президент әсқәр ақайофниң уруқ- туғқан , дост вә йеқинлири тәрипидин игиләнгән болуп, дөләт мәтбуат үстидики контроллуқиниму күндин-күнгә күчләндүрмәктә .

Қирғизистандики нурғунлиған сиясий өктичиләр киләр йили фиврал ейида өткүзүлидиған парламент сайлимини, қирғизистанниңму, өзбекстан вә қазақистанға охшаш мутләқ ханлиқлар һөкүмранлиқиға айлинип кетишиниң алдини елиш үчүн ахирқи пурсәт дәп қаримақта.

Сиясий өктичиләр бирләшти

Грозийә вә украинийидики өктичи партийиләрниң мәзкур дөләтләрдә өткүзүлгән сайламларда қолға кәлтүргән ғәлбә вә тәҗирбилиридин илһамлинип , бу тәҗирбиләрдин пайдилинишни қарар қилған қирғизиситандики сиясиий өктичиләр, киләр йили фиврал ейида өткүзүлидиған парламент сайлиминиң демократик вә адаләтлик бир сайлам болуши үчүн бирләшкәнликини елан қилип , бирликтә паалийәт елип баридиғналиқини билдүрди .

Америка бирләшмә агентлиқиниң хәвәр қилишичә, чаршәнбә күни қирғизистандики бәш сиясий гуруппа бирликтә паалийәт елип баридиғанлиқини елан қилған .

Мухбиримизниң зияритини қобул қилған қирғизистан әркинлик партийисиниң рәиси вә қирғизистан кишилик һоқуқ институтиниң директори топчибег турған әлийоф, қирғизистандики бәш сиясий гуруппиниң бирләшкәнликиниң асаслиқ мәқисиди үстидә тохтилип мундақ диди “чаршәнбә күни бирликтә паалийәт елип бериш үчүн бирлишиш тоғрисида келишим имзалиған бәш сиясий гуруп бәш партийә әмәс, у он нәччә сиясий гуруппиниң бирләшмиси . Бу бирлишишниң мәқсиди киләр йили -27 фиврал күни өткүзүлидиған парламент сайлиминиң адаләтлик вә демократик бир сайлам болушиға шундақла сайлам нәтиҗисиниң бурмилинишиға йол қоймаслиққа капаләтлик қилиштин ибарәт.

Әң чоң қийинчилиқ

Қирғизистандики өктичи сиясий партийә вә тәшкилатларниң нөвәттә дуч келиватқан әң чоң қийинчилиқи үстидә тохталған , қирғизистан әркинлик партийисиниң рәиси турған әлийоф мундақ диди: әң чоң қийинчилиқ 1995 йилидин бири адаләтсиз вә демократийә болмиған сайламлар арқилиқ президентлиқини давамлаштуруп келиватқан әсқәр ақайоф һакимийитиниң , сайламда ғәлбә қилиш үчүн дөләтниң пүтүн имканийәтлиридин пайдилинип, сайлам нәтиҗисини бурмилаш вә ақайоф һакимийитни демократик вә тинч йол арқилиқ ағдуришни мәқсәт қилған йеңи сиясий бирликни парчилаш үчүн сиясий ойнаш иһтималлиқидур.

Өзиниң нөвәттики әң чоң вәзиписиниң, қирғизистан хәлқиниң киләр йили демократик йолни таллап, демократик , тинч йол вә асасий қанунға таянған һалда ақайофни һакимийәттин чүшүшкә мәҗбурлаш икәнликини тәкитлигән турған әлийоф, бу оттура асиядики башқа диктатур һакимийәтләргиму мисал болалайду диди .

Зияритимизни қобул қилған ,қирғизистанда чаршәнбә күни президент ақайоф һакимийитигә қарши бирликтә паалийәт елип бериш үчүн килишкән сиясий гурупилар бирләшмисиниң ичидә йәр алған , қирғизистан чирикликкә қарши юртдашлар җәмийитиниң рәиси , толуқан исмаилова, совет иттипақи парчилинип қирғизистан мустәқиллиқини елан қилғандин бири, бу дөләттә демократик сайлам елип бирилмиғанлиқини илгири сүрди .

Демократийиниң дәпсәндә қилиниватқанлиқиниң мисали

Қирғизистан һөкүмитиниң, қирғизистандики уйғурлар иттипақиниң йиллиқ қурултйини қирғизистан дөләтлик драма- тиятир бинасида өткүзишини чәклигәнликини, қирғизистанда демократик һәқ- һуқуқларниң дәпсәндә қилиниватқанлиқиниң бир мисали дәп көрсткән исмаилова, чирикләшкән вә кишилк һуқуққа һөрмәт қилмайватқан қирғизстандики һакимийитәниң өзгериши үчүн күчлүк сиясий өктичи һәрикәт керәк . Қирғизстандики сиясий гуруппиларму мушу мәқсәт үчүн бирләшти диди .

Қирғизистандики өтичи сиясий һәрикәтниң 2000 - йили өткүзүлгән сайламидин нурғун тәҗирбә саваққларни алғанлиқини тәкитлигән исмаилоф , бу қетим биз грозийә вә украинийәдә өткүзүлгән сайламлардин нурғун тәҗирбә алдуқ. Һәтта грозийә өтичи һәрикитиниң рәһбәрлири қирғизстанға келип, қандақ ғәлбигә иришкәнлики һәққидә бизгә тәпсили мәлумат бәрди . Шундақла биз украинийигә берип, у йәрдики вәқәләрни өз көзимиз билән көрүп кәлдуқ. Демәк, мушу сиясий тәҗирбә свақларни йәкүнлигән қирғизистандики сиясий партийә вә тәшкилатлар бирлишип күрәш қилиш қарари алди диди . (Қанат)

Пикирләр (0)
Share
Толуқ бәт