Qirghizistan asasiy qanunni ijra qilish soti roza otanbayiwaning erzini ret qildi


2005-02-10
Share

Qirghizistanning asasiy qanunni ijra qilish soti, öktichilerning rehbiri roza otanbayiwani bu ay ötküzülmekchi bolghan parlamént saylimigha qatnashturmasliq qararini qayta oylishishni ret qildi.

Amérika birleshme axbarat agéntliqining xewirige qarighanda, buning aldida, qirghizistandiki öktichi heriket hésablan'ghan "ata yurt" herikitining qosh re'isi bolghan, sabiq tashqi ishlar minsitiri roza atanbayiwa, qirghizistan saylam komitétining, özining kandidatliqini bikar qilghanliqi üstidin qirghizistan asasiy qanunini ijra qilish sot mehkimisige erz sun'ghan.

Biraq,uning adwokati'ing peyshenbe küni bildürüshiche, mezkur sot mehkimisi roza atanbayiwaning erzining shexsiy dilolar katégoriyisige yatmaydighanliqini bildürüp, uni oylishishni ret qilghan. Uning adwokati, asasiy qanunni ijra qilish sotining puqralarning asasiy qanunda belgilen'gen hoquqini qoghdiyalmighanliqini eyiplidi.

Qirghizistan saylam komitéti ötken ayda qara chiqirip, roza otanbayiwaning qirghizistanda üzüldürmey turghan waqtining besh yildin az ikenlikini körsitip, uning kandidatliqini bikar qilghan idi. Biraq, bir qisim siyasiy öktichiler, buni esqer aqayéfning oxshash saylam rayonidiki qizi bernat aqayéwaning parlamént saylimida saylinishi üchün oynighan bir siyasiy oyuni dep qarimaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet