Қирғизистандики намайишчилар хитайға тутушидиған йолни тосиди


2005-02-22
Share

Қирғизистанниң нарин областидики бәш миңдәк киши сәйшәнбә күни хитайға тутушидиған ташйолни тосуп, қирғизистан даирилириниң икки нәпәр қирғиз паалийәтчисиниң парламент сайлимиға қатнишишини чәклигәнликигә наразилиқ билдүрди.

Қирғизистанниң нарин областидики бәш миңдәк киши сәйшәнбә күни хитайға тутушидиған ташйолни тусуп, қирғизистан даирилириниң икки нәпәр қирғиз паалийәтчисиниң парламент сайлимиға қатнишишини чәклигәнликигә наразилиқ билдүрди.

Ройтирс агентлиқиниң хәвиригә қариғанда, қирғизистанниң нарин областидики бир сот мәһкимиси дүшәнбә күни ақулбек жанпароф вә бейшәнбек болотбекофниң парламент сайлимидики кандидатлиқ салаһийитини бикар қилған. Әмма уларниң кандидатлиқ салаһийитиниң немә үчүн бикар қилинғанлиқини чүшәндүрмигән.

Бу мунасивәт билән уларниң қоллиғучилири нарин областиниң қочқар кәнтидики хитайға тутушидиған йолниң бойида чидирларни тикип, йолни тосивалған һәмдә бу иккийләнниң кандидатлиқ салаһийити әслигә кәлмигичә, намайишни давамлаштуридиғанлиқини билдүргән.

Қирғизистан ички ишлар министирлиқиниң баянатчиси, йәрлик һөкүмәт даирилириниң намайишчилар билән сөһбәт өткүзиватқанлиқини, вәзийәтниң контрол астиға елинғанлиқини билдүрмәктә.

Қирғизистан парламент сайлими 27 - феврал күни өткүзүлиду. Президент әсқәр ақайеф буниң алдида, украинийә услубидики намайишни тәвсийә қилғучиларниң сайламға арилашмаслиқини агаһландуруп, кәң көләмлик намайишниң ички урушни кәлтүрүп чиқириши мумкинликини билдүргән иди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт