Qirghizistandiki namayishchilar xitaygha tutushidighan yolni tosidi


2005-02-22
Share

Qirghizistanning narin oblastidiki besh mingdek kishi seyshenbe küni xitaygha tutushidighan tashyolni tosup, qirghizistan da'irilirining ikki neper qirghiz pa'aliyetchisining parlamént saylimigha qatnishishini chekligenlikige naraziliq bildürdi.

Qirghizistanning narin oblastidiki besh mingdek kishi seyshenbe küni xitaygha tutushidighan tashyolni tusup, qirghizistan da'irilirining ikki neper qirghiz pa'aliyetchisining parlamént saylimigha qatnishishini chekligenlikige naraziliq bildürdi.

Roytirs agéntliqining xewirige qarighanda, qirghizistanning narin oblastidiki bir sot mehkimisi düshenbe küni aqulbék zhanparof we béyshenbék bolotbékofning parlamént saylimidiki kandidatliq salahiyitini bikar qilghan. Emma ularning kandidatliq salahiyitining néme üchün bikar qilin'ghanliqini chüshendürmigen.

Bu munasiwet bilen ularning qollighuchiliri narin oblastining qochqar kentidiki xitaygha tutushidighan yolning boyida chidirlarni tikip, yolni tosiwalghan hemde bu ikkiylenning kandidatliq salahiyiti eslige kelmigiche, namayishni dawamlashturidighanliqini bildürgen.

Qirghizistan ichki ishlar ministirliqining bayanatchisi, yerlik hökümet da'irilirining namayishchilar bilen söhbet ötküziwatqanliqini, weziyetning kontrol astigha élin'ghanliqini bildürmekte.

Qirghizistan parlamént saylimi 27 - féwral küni ötküzülidu. Prézidént esqer aqayéf buning aldida, ukra'iniye uslubidiki namayishni tewsiye qilghuchilarning saylamgha arilashmasliqini agahlandurup, keng kölemlik namayishning ichki urushni keltürüp chiqirishi mumkinlikini bildürgen idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet