Qirghizistan parlamént saylimining harpisida weziyet jiddileshmekte


2005-02-24
Share

Yekshenbe küni ötküzülidighan qirghizistan parlamént saylimining harpisida, qirghizistan döletlik télégraf idarisi musteqil halda xewer béridighan "azadliq radi'osi" qirghiz bölümining köp qisim programmilirining tarqitilishini toxtatti.

Roytirs agéntliqining xewirige qarighanda, qirghizistan télégraf idarisi, "azadliq radi'osi" eng köp ishlitidighan chastotining ishlitilishini 3 - ayning 10 - künigiche toxtatqan. Amérikining meblighi bilen qurulghan mezkur radi'o istansisi qirghizistandiki birdin-bir musteqil axbarat orgini hésablinatti.

Xewerge qarighanda, qirghizistanning bir qanche yerliride, yerlik kandidatlarning parlamént saylimigha qatnishishi cheklen'genliki üchün namayishlar kötürülgen. Narin oblastining qoshqar kentidiki 3000 dek namayishchi üch kündin buyan xitaygha tutushidighan tashyolni tosup, yerlik kandidat ezasi aqulbék japarofning kandidatliq salahiyitining bikar qilin'ghanliqigha naraziliq bildürgen. Emma qirghizistanning dölet metbu'atliri bu namayishlar heqqide xewer bermigen.

Xewerdin melum bolushiche, qirghizistandiki öktichi gézit-zhornallarni basidighan basma zawutlardimu seyshenbe künidin bashlap tok toxtap qalghan. Basma zawuti charshenbe küni amérika elchixanisining géniraturlirini ijarige élip, xizmitini dawamlashturushqa mejbur bolghan. Gézitxana da'iriliri qirghizistan hökümitining tok toxtash ishida qoli barliqini bildürmekte.

Qirghizistanda yekshenbe küni ötküzilidighan parlamént saylimi 30 - öktebirdiki prézidént saylimigha yol échip béridu dep qaralmaqta. Gerche qirghizistan prézidénti esqer aqayéf bu yil wezipisidin chüshidighanliqi heqqide wede bergen bolsimu, emma öktichiler aqayéfning wezipisidin ayrilishtin burun, özige mayil parlaméntni teshkil qilishidin endishe qilmaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet