قىرغىزىستان ھۆكۈمەت خادىملىرى سايلامنىڭ نەتىجىلىك بولىۋاتقانلىقىنى بىلدۈرمەكتە


2005.03.22
Share on WhatsApp
Share on WhatsApp

قىرغىزىستان سايلام كومىتېتىنىڭ ئەڭ يۇقىرى دەرىجىلىك ئەمەلدارى ئىمانبايېفنىڭ بىلدۈرۈشىچە، يېقىندا ئېلىپ بېرىلغان پارلامېنت سايلىمى ئىنتايىن نەتىجىلىك بولغان.

بىراق، قىرغىزىستاندا سايلام جەريانىدا ھۆكۈمەتكە قارشى چوڭ كۆلەملىك نامايىشلار يۈز بەرمەكتە. ئىمانبايېف بولسا سايلامنىڭ " دېموكراتىك ۋە قانۇنلۇق" ئېلىپ بېرىلغانلىقىنى بىلدۈرمەكتە.

ئىمانبايېف مەتبۇئاتلارغا بۇ ھەقتە ئىپادە بىلدۈرۈشتىن بىر كۈن بۇرۇن، ئىككى مىڭدىن ئارتۇق ئۆكتىچى كۈچلەر، قىرغىزىستاننىڭ ئىككىنچى چوڭ شەھىرى ئوشنىڭ ھۆكۈمەت بىناسىنى قامال قىلىپ، پرېزىدېنت ئاقايېفنىڭ ئىستىپا بېرىشىنى تەلەپ قىلغان ئىدى.

مۆلچەرلەشلەرگە قارىغاندا، ئاقايېف سەيشەنبە كۈنى پۈتۈن مەملىكەت بويىچە نۇتۇق سۆزلەيدىكەن. ئاقايېفنىڭ باياناتچىسىنىڭ ئېيتىشىچە، ئۆكتىچىلەرنىڭ ھەرىكىتى "جىنايەتچىلەر" تەرىپىدىن تەشكىللەنگەن ئىكەن.

گەرچە ئەسقەر ئاقايېف، سايلام ئۈستىدىن قايتا تەكشۈرۈش ئېلىپ بېرىشنى ۋە ئۆكتىچىلەر بىلەن سۆھبەتلىشىشنى بىلدۈرگەن بولسىمۇ، لېكىن قىرغىزىستاندا يۈز بېرىۋاتقان قالايمىقانچىلىق يەنىلا داۋاملاشماقتا. (ئەقىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.