Qirghizistandiki asasliq öktichi rehber yéngi parlaméntni qollidi


2005.03.27
Share on WhatsApp
Share on WhatsApp

Qirghizistandiki öktichi rehber filikis kuluf we qirghizistan merkizi saylam komitéti qirghizistanda yéngidin saylan'ghan parlaméntni qollidi.

Qirghizistandiki öktichiler ötken ayda élip bérilghan parlamént saylimida éghir saxtiliq qilmishlirining yüz bergenlikini eyipligen we buningdin kélip chiqqan ammiwi naraziliqlar sewebidin prézidént esqer aqayéf texttin chüshken idi.

Biraq roytirs agéntliqining xewirige qarighanda, qirghizistanning bixeterlik ishlirigha mes'ol yéngi emeldari filikis kuluf, saylam netijisige sel qarash ichki urushni keltürüp chiqirishi mumkin dep agahlandurghan we yéngi parlaméntning qanunluq ikenlikini körsetken. Buningdin sirt, qirghizistan saylam komitétimu yekshenbe küni parlamént saylimining netijisini qollaydighanliqini bildürdi.

Biraq, aldinqi qarar parlaménttiki ezalar kona parlaméntning hoquqini saqlap qélishi kérek dep qarimaqta. Ötken peyshenbe küni qazaqistan aliy sot mehkimisi ikkinji ayda élip bérilghan parlamént saylimining netijisini inawetsiz dep élan qilip, aldinqi qarar parlaménttning qanun boyiche yenila küchke ige ikenlikini bildürgen idi. Qirghizistan waqitliq hökümitining yéngidin teyinlen'gen prézidénti qurmanbeg baqéyfmu buni qarshi alghan idi.

Roytirs agéntliqining bildürüshiche, qirghizistan weziyitini kontrol qiliwatqan waqitliq prézidént we bixeterlik ishlirining mes'uli otturisidiki pikir ixtilabimu éghir bolmaqta iken. " Yawrupa bixeterlik hemkarliq teshkilati" ning qanun mutexessisliri nöwette yéngi we kona parlamént arisidiki toqunushni hel qilish üchün tirishmaqta.

Buning aldida, qirghizistanning waqitliq prézidénti qurmanbek baqéyf 26 - iyun küni prézidént saylimi ötküzidighanliqini jakarlighan. Bu arida, rusiye prézidénti wiladémir putin, qirghizistandiki yéngi rehberlerni weziyetning nacharlishishining aldini élishqa chaqirghan we özining qirghizistan waqitliq hökümitining rehbiri qurmanbek aqiyéf bilen hemkarlishishni xalaydighanliqini bildürgen. Xewerlerge qarighanda, qirghizistan prézidénti esqer aqayéf nöwette rusiyige qéchip bériwalghan iken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.