Baqiyéf resmi qirghizistaning waqitliq rehbiri bolup teyinlendi


2005.03.28
Share on WhatsApp
Share on WhatsApp

Qirghizistanning yéngi saylan'ghan parlamént ezaliri, ularning saylinishigha qarshi chiqip topilang kötergenlerning yolbashchisi qurmanbik baqiyéfni bash ministirliq wezipisige teyinlidi. Xewerlerge qarighanda, baqiyéf waqitliq prézidéntliq wezipisinimu orundaydiken.

Esqer aqayof bolsa, düshenbe küni rusiyide bir bayanat élan qilip, qirghizistanning yéngi rehberlirini, döletning iqtisadini weyran qilip, abroyini chüshürdi dep eyiplidi. Lékin u bayanatida, prézidént wezipisidin istipa bérip- bermeydighanliqi heqqide bir néme démigen.

Roytiris agéntliqining xewer qilishiche, baqiyéfning yéngi parlamént teripidin bash ministir wezipisige teyinlen'genliki, qirghizistanda bir nechche kün dawamlashqan qalaymiqanchiliqtin kéyin, biraz bolsimu qanuni bir hakimiyetning qaytidin tiklen'genlikini körsitidiken.

Baqiyéf uni bash ministirliq wezipisige teyinligen yéngi parlaméntning könglini élish üchün bergen bayanatida, mining fiwral we mart aylirida qirghizistanda élip bérilghan saylamlarni qanunsiz déginim toghra. Lékin bu parlaméntta bizning peqet saylan'ghan 15 weya 20 kishige naraziliqimiz bar. Biz héchqachan pütün parlamént ezaliri ketsun démeymiz, dédi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.