Qirghiz soti féliks qulufqa bérilgen bir jinayetni emeldin qaldurdi


2005.04.06
Share on WhatsApp
Share on WhatsApp

Qirghizistan aliy sot mehkimisi charshenbe küni qirghizistan öktichi rehberliridin féliks quluf üstidin chiqirilghan ikki xil jinayetning birini emeldin qaldurdi. Buning bilen qulufning 6 - aydiki prézidént saylimigha qatnishishi üchün bir yaxshi yol échildi.

Roytérs agéntliqining xewirige qarighanda, közetküchiler nöwette féliks qulufqa chiqirilghan yene bir jinayetmu emeldin qaldurulsa, uning prézidént saylimigha qatnishalaydighanliqini ilgiri sürdi.

Öktichi fléks quluf ilgiri qirghizistanning bixeterlik ishliri mes'uli bolup, sabiq prézidént esqer aqayéf 1997 - yili uni hoquqini qalaymiqan ishletken dégen jinayet bilen türmige tashlighan. Bu yil 3 - ayda qirghizistandiki öktichiler, inqilabiy heriket arqiliq esqer aqayéfni texttin chüshürgendin kéyin, öktichiler rehbiri qurmanbék baqiyéf uni türmidin qoyup berdi.

Féliks quluf türmidin chiqqandin kéyin, qirghizistandiki bulang-talang qalaymiqanchiliqlirini ikki künning ichide tinjitip bolup xizmitidin istipa berdi hemde aliy sotning uning üstidiki jinayetni sotlishini telep qildi.

Xewerde melum bolushiche, aliy sot mehkimisi uninggha bérilgen bir jinayetni bikar qilghandin kéyin, uning nechche yüz himayichiliri sot mehkimisi aldigha yighilip, "quluf, quluf" dep towlashqan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.