24 - Марттики хәлқ инқилабида ағдуруветилгән қирғизистан президенти әсқәр ақайевниң қизи бәрмәт ақайева пәйшәнбә күни дөлитигә қайтип, парламент әзалиқини қайтурувалди. Алдинқи күни қирғизистан парламенти ақайевниң истипанамисини тәстиқлиған.
Бермәт ақайева, өктичиләр тәрипидин президент ақайев аилисидики дөләтниң мал - мүлкини өзиниң қиливелиш шундақла хиянәтчилик билән әйибләнгән кишиләрниң бири. Әмма қирғизистан қануни бойичә, бәрмәт ақайева қирғиз парламентиниң әзаси болғанлиқтин униң һоқуқи дәхли - тәрүзгә учримайдикән.
Бирләшмә ахбарат агентлиқиниң хәвәр қилишичә, у "мениң қирғизистан хәлқидин йошурудиған һечқандақ мәсиләм йоқ" дегән. Қирғизистан парламентиниң рәиси омурбәг тәкәбайев, бәрмәт ақайеваниң һазирчә парламенттики вәзиписини башлиялмайдиғанлиқини билдүрди.Чүнки у һазирға қәдәр парламент әзалиқи үчүн қәсәм ичмигән.
Президент қурманбәг бақийев, һөкүмәт тәрәпниң униңқа қарши тәдбир қолланмайдиғанлиқини билдүргән. Бәрмәт ақайеваниң ашкарилишичә, ақайевниң оғлиму йеқинда қайтип келидикән. Ақайевниң оғли бу йил 2 - айдики сайламда бәрмәт ақайева билән биргә парламент әзалиқиға сайланған иди. 3 - Айдики сайламда бәрмәт ақайева билән билән сайлам риқабитигә чүшкән өктичиләр намзатиниң сайлиниш лаяқити елип ташланған.
Бәрмәт ақайеваниң сайлам риқабитидики рәқиби, қирғизистанниң әнгилийидики сабиқ баш әлчиси роза отанбайева иди. Роза отанбайева һазир қирғизистанниң ташқи ишлар министири вәзиписини үстигә алди. (Әркин)
Мунасивәтлик мақалилар
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
- Шаңхәй кочилиридики сәргәрдан уйғур йигити вә хитай завутлириға йөткәлгән уйғурлар
- Б д т әмәлдариниң хитайниң уйғурлар һәққидики сахта тәшвиқатлириға маслишип, хитайдин 200 миң доллар пул алғанлиқи ашкариланди
- Әнгилийәдики бир тәшкилат әнглийәниң уйғур елидики вәһшиликкә четишлиқ хитай сақчи органлири билән болған алақисини паш қилди
