Aghduruwétilgen qirghizistan prézidéntining qizi dölitige qaytti


2005-04-14
Share

24 - Marttiki xelq inqilabida aghduruwétilgen qirghizistan prézidénti esqer aqayéwning qizi bermet aqayéwa peyshenbe küni dölitige qaytip, parlamént ezaliqini qayturuwaldi. Aldinqi küni qirghizistan parlaménti aqayéwning istipanamisini testiqlighan.

Bérmet aqayéwa, öktichiler teripidin prézidént aqayéw a'ilisidiki döletning mal - mülkini özining qiliwélish shundaqla xiyanetchilik bilen eyiblen'gen kishilerning biri. Emma qirghizistan qanuni boyiche, bermet aqayéwa qirghiz parlaméntining ezasi bolghanliqtin uning hoquqi dexli - terüzge uchrimaydiken.

Birleshme axbarat agéntliqining xewer qilishiche, u "méning qirghizistan xelqidin yoshurudighan héchqandaq mesilem yoq" dégen. Qirghizistan parlaméntining re'isi omurbeg tekebayéw, bermet aqayéwaning hazirche parlaménttiki wezipisini bashliyalmaydighanliqini bildürdi.Chünki u hazirgha qeder parlamént ezaliqi üchün qesem ichmigen.

Prézidént qurmanbeg baqiyéw, hökümet terepning uningqa qarshi tedbir qollanmaydighanliqini bildürgen. Bermet aqayéwaning ashkarilishiche, aqayéwning oghlimu yéqinda qaytip kélidiken. Aqayéwning oghli bu yil 2 - aydiki saylamda bermet aqayéwa bilen birge parlamént ezaliqigha saylan'ghan idi. 3 - Aydiki saylamda bermet aqayéwa bilen bilen saylam riqabitige chüshken öktichiler namzatining saylinish layaqiti élip tashlan'ghan.

Bermet aqayéwaning saylam riqabitidiki reqibi, qirghizistanning en'giliyidiki sabiq bash elchisi roza otanbayéwa idi. Roza otanbayéwa hazir qirghizistanning tashqi ishlar ministiri wezipisini üstige aldi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet