200 Din oshuq kishi qirghizistan aliy sot mehkimisige bösüp kirdi


2005.06.01
Share on WhatsApp
Share on WhatsApp

Charshenbe küni 200 din oshuq kishi qirghizistan aliy sot mehkimisige bösüp kirip, mehkime binasigha tash we köyüshchan suyughluq qachilan'ghan botulkilarni atqan.

Amérika birleshme agéntliqining melum qilishiche, béshkek saqchiliri neq meydan'gha derhal yétip kélip, bu kishilerni mehkime binasidin qoghlap chiqarghan. Bu, qirghizistan öktichilirining sabiq prézidént esqer aqayéfning texttin chüshüshige seweb bolghan siyasiy inqilabidin buyanqi eng chong qarshiliq heriket bolup hésablinidu.

Ismini ashkarilashni xalimighan bir neper saqchining mezkur agéntliqqa bildürüshiche, bu namayishchilar siyasiy inqilabtin kéyin élip bérilghan saylamda ornini yoqatqan parlamént ezalirining qollighuchiliri iken.

Shundaqla, qirghizistan aliy sot mehkimisi, sabiq prézidént aqayéfning qarshiliq heriketler sewebidin chet'elge qéchip kétishidimu muhim rol oynighan hemde ularning 2 - aydiki parlamént saylimini qanunsiz dep jakarlishimu, öktichi parlamént ezalirining hoquqni qoligha élishigha türtke bolup qalghan idi.

Weqedin kéyin, qirghizistan aliy sot mehkimisi ishik taqap, waqitliq xizmet toxtatti. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.