Qirghizistan, sabiq bash ministir tanayéwning üstidin tutush buyruqi chiqarghan

• 
  2005-06-06

Qirghizistan bash teptishining düshenbe küni ashkarilishiche, u qarghizistanning sabiq bash ministiri nikolay tanayéwni qolgha élish toghrisida xelq'ara tutush buyruqi chiqirip, tanayéwni döletning mal - mülkini oghlining namigha ötküzüwélish bilen eyipligen.

Qirghizistan bash teptishi ezimbék beknezerowning bildürüshiche, u tanayéwni rusiyige yoshurniwaldi, dep qaraydiken shundaqla rusiyidin tanayéwni qirghizistanda ötküzüp bérishni telep qilghan. Beknezerow, tanayéw bilen birge qirghizistanning sabiq prézidénti esqer aqayéwning küyoghli adil toyghanbayéwnimu tutush toghrisida buyruq chiqarghan.

Qirghizistan bash teptishining ashkarilishiche, hökümet aldimizdiki hepte ichide sabiq prézidént aqayéwning ichki kabintidiki bezi ezalar üstidinmu tutush buyruqi chiqiridiken.

Birleshme axbarat agéntliqining xewer qilishiche, bash teptish tanayéwni döletning 40 milyon somini oghlining qiliwélish bilen eyibligen. Eger bu rast bolup chiqsa, tanayéw 8 yilliq qamaq jazasigha höküm qilinishi mumkin.

Aqayéw hökümiti bu yil -24 marttiki béshkek inqilabida aghdurulghandin kéyin, yéngi hökümet aqayéwning iqtisadi xiyanetchilikini sürüshtürüsh komitéti qurghan. Mezkur komitét aqayéw we uning ademliri bilen munasiwiti bolushi mumkin, dep qaralghan 175 shirket üstidin tekshürüsh élip bardi. Emma bezi sodigerler tekshürüsh komitétini xususi shirketler üstidin qanunsiz tekshürüsh élip bérish bilen eyiblimektiken . (Erkin)